La Usc di Ladins

Bëgn 76 pelegrins dla Val Badia á tut pert al pelegrinaje de 4 dis al gran santuar de Lourdes tratan l’edema dai 7 a 10 de ma. Le iade é gnü organisé dal KVW dla Val Badia, adöm cun l’ofize pelegrinaji de nosta diozeja. Cun chësc iade él gnü trat ite chël che ê bele gnü preodü por dl 2020, mo che ê tomé t’ega por gauja dl Covid. Ince siur Degan Iaco Willeit é gnü cun nos y nes é sté dlungia dal punt d’odüda spiritual, mo ince de compagnia.
Da doman adora él gnü dui bus tla Val Badia a nes tó por nes condüje cina a Bergamo, olache i un tut le fligher che nes á condüt cina a Tarbes, apresciapüch 30 km da Lourdes. Dailó se aspetâ bele dui d’bus che nes á condüt te hotel, püch dalunc dal santuar. (Iaco Clement por le KVW)

Deplü ciafëise t’La Usc di 7 de jügn