La Usc di Ladins

Dl proiet dla stlopetara dl biathlon nöia ponsada por le raiun Sciaré unse bele aldí baian deplü tl ultim tëmp. Scebëgn che le proiet â descedé bele atira al scomenciamënt ince tl Consëi de Comun de Badia a Pedraces discusciuns, s’â indere la dezijiun tla sentada ai 15 de jügn 2023 stlüt ia cun n sce.

Les motivaziuns che â porté ala deliberaziun de aprovaziun ê deplü. Dl impat ambiental de chësta strotöra s’á bele fat val’ pinsier l’asso­ ziaziun »Italia Nostra«, che presentëia dan al foliet La Usc di Ladins na valutaziun negativa. Consumé terac lapró por fá sö na te strotöra sön les portes dl patrimone mondial UNESCO te n raiun sensibl sciöche chël, ne vëiga l’assoziaziun nia de bun ödl – La Usc di Ladins á scrit. Gnanca tan positif ne la vëiga i mëmbri dla Fraziun da San Ciascian, dantadöt nia i vijins dla strotöra preodüda, che vir dl’ativité turistica y vëiga tl chît dl raiun so potenzial.

Deplü ciafëise tla ediziun nöia da incö, vëndres 14 de jügn!