La Usc di Ladins

Dotours
Dutor Gherdëina
L dutor de servisc dala 08.00 de n sada ai 25.07. nchin la 08:00 daduman de n lunesc ai 27.07. ie l dutor Pablo Poli­castro tl ambulatuere di duto­res Kostner/Weber, a Urtijëi tla streda Trebinger 10, tel. 366 3646 254.
Doturs Val Badia
Tla fin dl’edema di 25 y 26 de messé él en sorvisc ti co­muns de Mareo y San Martin la doturia Stefania Febbraro, Al Plan, tel. 377 3288595. Ti comuns de Badia, Corvara y La Val él en sorvisc la doturia Jasmine Gabrieli, La Ila, tel. 371 7515275.

Apoteches
Apoteca Val Badia
L’apoteca en sorvisc tla Val Badia, fora dl orar ordinar, dal vëndres ai 24 de messé dales 19:00 al vëndres ai 31 de messé ales 19:00, é chëra da La Ila, tel. 0471 847152.
Apoteca Gherdëina
L’apoteca che ie de servisc ora dl orar urdiner de giaurida, da n vënderdi ai 24.07. nchin n vënderdi ai 31.07. ie chëla de Fie, tel. 0471/725373 (orar: 8:30-12:30/15:00-19:00, sada 8:30-12:30, stlut mierculdi domesdì. Turnus: sa. 8:30-12:30/16:00-19:00, du. 10:00-12:00).

Cursc
Atualmënter
Mparé a cunëscer l Line Dance
La lia ASD BaL Beat and Line mët a jì n curs de Line Dance per duc chëi che ulëssa scumencé y mparé a balé chësta sort de bal. N se an­conta uni mierculdi dala 19:30 tla palestra dlongia la sënta di Destudafuech a Runcadic. Dai 16 de setëmber inant scu­mëncia nce l curs per mutans y mutons dai 7 ani insù, recu­nesciù coche materia de nse­nia­mënt facultativa dala scola elementera de Urtijëi.
Atualmënter
Cursc de jì a ciaval
La scola de jì a ciaval Poza­manigoni ve aspieta per cursc de raité, raides tl bosch y cun l pony per i mëndri tl »Selva pony adventure land«. Per nfurmazions cherdé su l 0471 794138.
30.07.
Curs de yoga sön munt
Alexandra Din tëgn n curs de yoga sön munt, vigni jöbia cina ai 27 d’agost, tres dales 15:30, pro la ütia »Las Vegas« a San Ciascian. Prenotaziuns online sön www.moviment.it

Avisc
Atualmënter
Picolin: portina por assistënza y cura
La Portina por l’assistënza y cura é daverta trëi iadi al’ede­ma: le lönesc dales 14:00 ales 16:00, le mercui y la jöbia dales 10:00 ales 12:00. Tel. 0474 586123 tratan chisc orars. La Portina é tl Raiun soziosanitar a Picolin, tl’alzada a tera sön la man ciampa. Al vëgn chiló tut sö dötes les chestiuns por ci che reverda le guern dles porsones.
24.07.
L Genoa te piaz a Moena
Insnet, vender 24 de messèl la squadra del Genoa se pre­jenta a duc si sostegnidores da les 21:00 te piaz de Sote­grava a Moena. Se l é catitemp la prejentazion vegn fata de teater de Navalge.
24.07.
GAZZETTA TALKS – Stories de sport
L’ultima ancunteda dla lingia »Gazzetta Talks« sarà ai 24 de lugio dala 18:00 sun Pra da Nives te Sëlva: Gianluca Zambrotta cunterà de si su­zesc, ndesfidedes y mumënc plu biei de si cariera.
26.07.
Sègra de Mazin
Domenia 26 de messèl l é sè­gra de Sènta Maria Mada­lena a Mazin. Da les 9:30 messa e sobito do picol conzert de la Musega Auta Fascia.
26.07.
Sègra de Muncion
Domenia ai 26 de messèl l é sègra de Sènt’Ana sa Muncion. Da les 11:00 messa, da les 12:00 marena e domesdì mu­sega con i Volxalp e jeghes per gregn e picoi.
27.07.
Pian de steiles
Lunesc 27 de messèl con sco­menz da les 19:00 Pian de Ciam­pedel se muda te na net de lumes, èrt e musega con spetacoi e magnères tradi­zionèi.
30.07.
Dèlba sot la steiles
Jebia ai 30 de messèl con sco­menz da les 20:30 l é ‘Dèlba sot la steiles’ con musega, spe­tacoi e cerces de magnères tradizionèi.
26.07.
Südtirol cujina
La show de »Südtirol kocht« ie per l cuinto iede te Sëlva, nce chëst iede pra la Utia Ciam­pac te Val. Ai 26.07. dala 11:30 inant, cun l chef Marc Bernardi, l chef Norbert Dejaco, l cuech Hanzek Boris y la paura Anna Messner Pe­rathoner. Duc ie nviei a chësc evënt culinarich speziel.
30.07.
Desmustrazion dla Prutezion Zevila Gherdëina
Tl zënter Iman a S. Cristina uniràl prejentà n curt la Prute­zion Zevila Gherdëina, ai 30 de lugio dala 19:00 inant. Dal­dò saràl nce desmustra­zions di Judacrëp, dl Aiut Alpin y dla grupa cun i cians de sucors, di Destudafuech y dla ambulanzes dla Crëusc Blancia y Cuecena.
03.08.
Lia di Filatelisć – ancuntedes
La Lia di Filatelisć, Numisma­tics y Vedla Chertes de Gher­dëina se anconta uni prim lunesc dl mëns dala 20:00 tl Bar 2000 a S. Cristina, per s‘la ciaculé y fé vel‘ barat. La proscima ancunteda sarà ai 3 de agost.
Uni merdi
Marcià tradiziunel di paures y di artejans
Uni merdi, for dala 19:00 nchin la 22:00, saràl l marcià di paures y di artjenas tl zënter de Santa Cristina. Uni ena uniràl prejentà n mestier da artejan y l ne mancerà nia ntratenimënt de mujiga.
Uni mierculdi
Ciaculon online – per ladin
La Union di Ladins de Gher­dëina mët a jì »Ciaculon on­line« per chi che scumëncia y chi che ulëssa miuré si ladin: uni mierculdi dala 18:00–19:00. Duc possa fé pea, l basta nstalé l prugram »TEA­MS« sun l computer y jì ite sot a chësc link: https://url-shortener.me/GIBM
Uni juebia
Chino da d’instà 
Dai 23 de lugio inant – per cater juebies ndolauter, for dala 17:00 – uniràl mustrà n film per mutons:ans tla sala dla biblioteca de San Durich a Urtijëi. La ntreda ie debant. La lista di films ie da abiné te biblioteca.

Temp Lede
24.07.
Saus te plaza y ilominaziun dla Ferata Tridentina
Ai 24 de messé vëgnel organisé dales 18:00 sön plaza a Cal­fosch l’evënt »Saus te plaza« cun spëisa locala y tröpes spezialités gastronomiches. Al sonará la band Bridge Project. Dales 21:00 él en program le conzert dla Müjiga Calfosch-Corvara y al gnará ince ilominé la via ferata Brigata Tridentina.
24/30.07.
Francesco Vidotto a Cianacei
Tel chèder de la rassegna ‘Cianacei Campo Base’ anché, vender 24 de messèl da les 21:00 te piaz Marconi, l scritor Francesco Vidotto prejenta sie nef liber ‘Onesto, Ocenao e gli altri’; jebia 30 de messèl da les 17:30 te piaz Marconi l é l giornalist del Corriere della Sera Massimo Nava che conta la stories de la gran firmes del giornalism.
25.07.
L podl – marcià per mutons – fat dai mutons
L VKE Gherdëina mët nce chëst ann a jì l marcià di pulesc per mutons y mutans fat da mutons y mutans, n sada ai 25 de lugio dala 14:30 nchin la 17:30 sun Plaza Rezia a Urtijëi.
26.07.
De dl Movimënt
Le De dl Movimënt te aspeta ai 26 de messé, dales 10:30 inant, tl parch de Piz La Ila: n de particolar por adulc y mituns, cun esperiënzes dedi­cades al movimënt, ai jüc y ala descurida dles munts y tröpa animaziun.
26.07.
Max Cassani a Poza
Per la rassegna ‘Ad alta voce’ en domenia ai 26 de messèl da les 21:15 te piaz de Comun a Poza l é na scontrèda con Max Cassani che prejenta sie nef liber ‘Rialzati e cammina’.
26.07.
Spetacol del radiocrinist Francesco Repice
Domenia 26 de messèl da les 21:00 te kino Marmolada de Cianacei l é l spetacol del giornalist radiocronist sportif Francesco Repice ‘Ci vediamo alla radio’, n viac de 50 egn de sport talian.
26.-28.07.
»Kidshour«
Vigni domënia, mertesc y jö­bia pó i mituns dai 5 ai 10 agn se devertí adöm cun i animadus dl Movimënt. Tl parch de Piz La Ila vëgnel metü a jí dales 13:30 inant jüc de grup y d’atres ativités por se devertí en compagnia. Prenotaziuns ti ofizi turistics.
26., 28. y 30.07.
Kidshour – devertimënt por mituns sö alalt
Pro le parch »Movimënt« sön Piz La Ila vëgnel metü a jí vigni domënia, mertesc y jöbia jüc, animaziun y devertimënt por mituns da 5 a 10 agn, da­les 13:30 inant. Prenota­ziuns ti ofizi turistics dl’Alta Badia.
28.07.
Ispirazions a Soraga
Tel chèder di evenc de Ispira­zions d’istà 2026, mèrtesc 28 de messèl da les 21:00 te Ora­torie de Poza l é na scontrèda con Andrea Tornielli, diretor editorial di media vaticans, che rejona de ‘Misericordia, pèsc e inteli­genza artifizièla’.
28.07.
La majera jufa dl mond
Ai 28 de lugio dala 21:00 inant uniràl fat la majera jufa dl mond sun Pra da Nives te Sëlva.
28.07.
Na sëra cun i Stüdafüch da La Val
I Stüdafüch da La Val inviëia düc a gní a ti ciaré ales mascins y al magazin en mertesc ai 28 de messé dales 21:00 pro la sënta di stüdafüch.
28.-31.07.
»Nos Ladins«
Tres la scomenciadia »Nos Ladins« án la poscibilité da descurí deplü söl monn ladin y ince söi mistiers de nosta jënt. Ai 28 de messé él söl program n’incuntada cun Alisa dla »Dolomites Farm« a Calfosch y ai 31 de messé cun le fotograf Freddy Planin­schek a La Ila. Prenotaziuns pól gní fat pro i ofizi turistics.
29.07.
Massimo Nava a Moena
Mercol 29 de messèl da les 17:30 per la rassegna ‘Moena Incontri’ te piaz Perle Alpine l é na scontrèda con Massimo Nava che prejenta sie nef liber ‘Tastiere in gabbia’.
28.07.
Kids day a Al Plan
En mertesc ai 28 de messé dales 14:00 ales 17:30 él pro la »spiaggetta« d’Al Plan n domisdé por i mituns. Ai pó se lascé depënje sö le müs, ciafé staziuns creatives y se tripé cun jüc dl’ega.
29.07.
Vins alaleria
En mercui ai 29 de messé vëgnel tigní dales 14.30 na cercia de vins blanc de Süd­tirol adöm al sommelier André Senoner a Calfosch, tl parch di tiers. Prenotaziuns pól gní fat por i ofizi turistics.
29.07.
Lí te ander
En mercui ai 29 de messé vëgnel presenté dales 17:00 na storia por mituns tl Muse­um Ladin Ursus ladinicus a San Ciascian, adöm al autur Pierluigi Donna y l’ilustradú Fausto Gilberti. Dedô gnarál tigní n laborator creatif. Pre­notaziuns al +39 0474 524020 o por mail prenota ziuns@museumladin.it
30.07.
De di morins a Lungiarü
En jöbia ai 30 de messé dales 10:00 ales 15:00 él tla Val di Morins a Lungiarü le »De di morins«, cun n morin storich en funziun y n marcé da paur; al vëgn mostré sciöche al vëgn fat pan, sciöche al vëgn lauré le lëgn. Al é ince intratignimënt por mituns y la poscibilité da se fá na roda cun le ciaval.
30.07.
Devertimënt por mituns
Ai 30 de messé pó düc i mi­tuns dai 3 ai 12 agn ciaré pro y imparé sciöche an fej da fá pan adöm al pech Nikolas tl parch di tiers a Calfosch. L’ativité mët man dales 15 :00 y an pó se scrí ite pro i ofizi turistics dl’Alta Badia.
30.07.
Curs de yoga sön munt
Alexandra Din tëgn n curs de yoga sön munt vigni jöbia cina ai 27 de agost dales 15 :30 pro la ütia Las Vegas a San Ciascian. Les prenotaziuns pó gní fates online sot a www.moviment.it
31.07.
»Domisdé a Pidrô«
En vëndres ai 31 de messé resta les botëghes da Pidrô dav­ertes cina les 20:00. Dales 17:00 inant él les patrones che dá fora spezialités arestides y la jonëza da paur val’ da bëre.
31.07.
Family Fantasy Festival
N vënderdi ai 31 de lugio mët l VKE Gherdëina deberieda cun la Lia dl Turism de Sëlva a jì n domesdì de juesc y de­vertimënt sun Plaza de Che­mun de Sëlva, dala 14:30 nchin la 18:30.
01.08.
Don Marco Pozza a Cianacei
Sabeda prum de aost da les 21:00 te piaz Marconi a Cia­nacei, tel chèder di evenc de Ispirazions d’istà, don Marco Pozza prejenta sie ultim liber ‘Il miele e le cipolle’ .
07.08.
Storia de 15 menuc
Tla biblioteca de San Durich a Urtijëi uniràl liet na pitla storia per mutons:ans y pità devertimënt criatif, n vënderdi ai 7 de agost dala 15:00.
Uni lunesc
Kids Night – juesc y deverti­mënt per mutons y mutans
La Lia dl Turism de Sëlva nvieia a chësta manifestazion, che vën a s’l dé sun Plaza Nives te Sëlva dala 20:30 inant uni lunesc nchin ai 24 de agost.
Uni merdi
Pastelné cun materiai naturei
Sun pitla plaza de Sant Antone a Urtijëi puderà i mëndri y la mëndres pastelné cun materiai naturei (puc, rames, pleces, ciofs, y n.i.): uni merdi dala 14:30 nchin la 18:00. Priesc: 15,00–20,00€. Duc ie nviei de cuer.
Uni mierculdi
Sëires de juesc
Sun la plaza dan la biblioteca »Tresl Gruber« a S. Cristina mët la lia Trix a jì de plu sëires cun juesc da mëisa: uni mierculdi dala 19:30 nchin la 21:30.
Uni mierculdi
Marcià de sëures y de tradizions
Uni mierculdi nchin ai 12 de agost saràl sun Plaza Nives de Sëlva, for dala 14:30 nchin la 19:00, n marcià de sëures y de tradizions, ulache n possa ti cialé, purvé o cumpré de bela cosses dl artejanat tradi­ziunel y maië velch de bon dl raion.
Uni mierculdi
Marcià de prudoc dl luech
L pitl marcià de prudoc dl luech sun pitla plaza de Sant Antone a Urtijëi sarà inò daviert uni mierculdi dala 15:00 nchin la 19:00.
Uni juebia
»Flying Aperitivo«
La manifestazion unirà fata nchin tl scumenciamënt de setëmber, uni juebia, dala 18:00 nchin la 19.00 sun Pana. Ntan n viac sun l lift dai stuei da Pana de viers de Mont de Sëura y inò ju, pòssen se goder l bel udëi ora pra n aperitif. Da bur’ tëmp vën la manifesta­zion spënta. L ie da se scrì ite nchin al di dant pra la Lia dl Turism de Santa Cristina o diretamënter pra l mplant dla Mont de Sëura.
Uni vënderdi
Aperitif a Urtijëi
Dala 18:00 nchin la 20:30, uniràl pità de bon aperitifs tla ustaries dl zënter de Urtijëi, for de vënderdi dai 3 de lugio inant (ora che ai 31.07., 21.08.). Sambën ne manceràl nia de bela mujiga.

SEGRES Y FESTES
24.-25.-26.07.
Tourna la Siegra de S.Iaco a La Plié de Fodom
Se scomencia ncuoi vender da sëra cánche giourirà la cujina del Coro Fodom nte Plaza da La Plié che sarà n ativité ence sabeda da mesdì e da sëra, e domënia per dut­oldì. Domënia da le 9 la S. Mëssa, ulache vignarà premia­de le copie de spoji che sto ann festegeia 25, 40, 50 e 60 agn de noze. Lerch per la so­li­darieté co la pesca a fin de ben nteii locai de la calonia e nte plaza sot al stand del Grop Insieme di Può Fodom. Da mesdi sonarà L ciampanoz.
25.07.
Bal dles Stries sön Börz
La Uniun Cultura da Munt inviëia düc canc al Bal dles Stries en sabeda ai 25 de messé 2026 sön Börz, cun scumen­ciamënt dales 15:00 cun n program por pici y gragn. I organisadus prëia che i ghesć se toles para ciapí y granares y n vistimënt da stria o striun!
25.07.
Gherdëina Craft Beer Festival
Sun Plaza de Chemun de Sëlva uniràl inò a se l dé l Gher­­dëina Craft Beer Festival n sada ai 25 de juni dala 11:00 inant. N puderà ciarcë truep de bon piers d’uni sort.
02.08.
Gran festa cun i guanc dala Gherdëina
N dumënia ai 2 de agost dala 16:00 inant saràl tl zënter de S. Cristina la gran defileda tra­diziunela de »Gröden in Tracht«. L fajerà pea cin’ mu­jiges, la lies dl guant dala Gher­dëina, grupes de bal po­puler y la lies di scizeri. Do la defileda saràl la festa di Destudafuech tl zënter Iman.

Televijion
Atualmënter
Tg Ladin
Orares dl TG ladin menà da Egon Vinatzer: uni merdi dala 19:30 sun Alto Adige Tv, cun repliches uni sada dala 18:15 sun Trentino TV y uni dumënia dala 18:30 sun Alto Adige Tv; repliches nce online.
28.07.
Pizes dla Ladinia – La Contessina
Dales 20:50 ca. Test y regia Manfred Stuffer, produziun Karbonvideo, a cura de Ales­sandro Dapunt.
29.07.
Mendret
Dales 20:50 ca. Test y conzet Matilde Gazzini, produziun Media–  art, a cura de Ales­san­dro Dapunt.
30.07.
Deboriada
Dales 20:50 ca. Test y conzet Sofia Stuflesser, produziun Penn-pro, a cura de Leo Seno­ner.

Sport
Atualmenter
L Genoa a Moena
Fin ai 26 de messèl a Soraga e Moena l é la squadra de ba­lon del Genoa vidèda dal Mister Daniele De Rossi. Arcedamenc e partides sul ciamp de balon Benatti de Mo­ena, col sostegn de la Monti Pallidi.
Atualmënter
Curs de sauté
I Gherdëina Runners mët a jì n curs cun l alenadëur Diego Soppelsa. L curs sun l ciamp dal sport Mulin da Coi ie uni juebia dala 19:00 per dut l instà. Duc ie de cuer nviei, nce de tei che scumëncia permò.
25.07.
Genoa contra Vicenza
Doman, sabeda 25 de messèl da les 17:00 sul ciamp de balon Benatti de Moena la squadra del Genoa jia fora na partida da peconc contra l L.R. Vi­cenza, formazion de serie B.
26.07.
Vertical Col de Lana
En domenia ai 26 de lugio la Vertical Col de Lana peia via per la 14^ outa da le dies da­vànt marena per chi plù gragn e a le undes per chi mendri. Scominciada ntel 2013, le tres stada metuda n pè vigni an per de moda ai apasionei del sautè da mont su de se mesurè su na linea erta che con mile metri de dislivel porta da la plaza nuova de La Pliè fin su la ponta de Col de Lana. Per informazion e iscrizion: www.verticalcoldi lana.it
29.07.
Juech de amezizia Palermo FC vs. FC Iraklis 1908
La scuadra dl Palermo FC fej si alenamënc da d’instà a S. Cristina. Ai 29 de lugio dala 17:00 jugherài n juech de amezizia contra l FC Iraklis 1908 sun l ciamp de Mulin da Coi. Ntreda: 10,00€.
01.08.
»Pradel Cup« a San Martin
I jogn da San Martin organi­sëia le torné de palé de nöt, dala sabeda ai 1. d’agost dales 16:00 inant. Les scuadres da 4+1 sogadus pó se scrí ite anter i 25 de messé pro Gio­vanni al 377 3422077 (tres WhatsApp o SMS). Por spëisa, boanda y musiga él fistidié.
1.-2.08.
Charing
Ai 1 y 2 de agost vëgnel metü a jí l’evënt Charing cun n tornier de golf pro le ciamp a Corvara y a Reischach. Tra­mes les sëres vëgnel ince tigní na cëna y na pert de ci che vëgn trat ite vëgn dé en benef­iziënza. Iscriziuns sot ala plata www.charing.events

Sozial
Atualmënter
Family Support
L servisc Family Support pieta sustëni ala families jëunes. Tl prim ann de vita dl:a pop:a pòssen se damandé n aiut da pert dla ulenteres, che vën a cësa per n val­gun’ëura al’ena a fé vel’ stroz, cialé di mutons:ans o judé ulache l ie debujën. L servisc ie debant y duc possa s’l da­mandé. Per nfurmazions pòssen scrì a gherdeina@family-support.it
Uni merdi
Marënda per i:la sëura 60
La Lia Sarëinn nvieia duta la jënt sëura i 60 ani a se nuzé de chësc servisc che vën pità uni merdi dala 12:00 (Urtijëi Cësa de Cultura; S. Cristina Cësa de Chemun; Sëlva Stua di Seniores). L ie da se lascé nuté su nchin al di dant da mesdì, cherdan su: per Urtijëi l 3207234396 (Vinzenz), per S. Cristina l 333 1499949, per Sëlva l 335 6558633.
Uni vënderdi
Mëisa dala spëisa
La Lia San Vinzënt de Urtijëi mët a jì uni vënderdi dala 10:00 danmesdì te calonia de Urtijëi basite na mëisa dala spëisa, ulache l vën partì ora roba da maië a chi che à de bujën (che à la residënza a Urtijëi).
Atualmënter
Lia de sustëni tl duel y crisa
Lia de sustëni tl duel y crisa ti juda ala persona nstëssa y ala families te situazions de duel. L vën damandà na cuota anuela de 50 euro. Per nfur­ma­zions de sustëni pòssen tò su cuntat cun: Trauer- & Krisennetzwerk Südtirol VFG–info@trauernetzwerk-suedtirol.com, 379 1170488.
Atualmënter
Majon dal guant a Urtijëi
La Majon dal guant a Urtijëi (tl frabicat dla vedla Cësa de Paussa), tol ju y dà inant per na pitla dunfierta guant y ciauzei ma nce chëutres, ziehes da liet y cultrines tenii drët bën. Orars: merdi, 8:30 – 10:30, juebia, 14:00 – 16:00.
Atualmënter
Sorvisc de Sostëgn bunorí por families
Ester geniturs – löm y ambria; insciö sciöche i sun, vára bun y canche i me stënti, me chiri aiüt. Al é n sorvisc por düc i geniturs che vëgn docá, ge­niturs susc y families cun mi­tuns danter 0 y 3 agn, che é te situaziuns de desfida. Le sorvisc é debann, confidenzial y volontar. Informaziuns: Tel.: 333 6203945, e-mail: fruehe.hilfen@bzgpust.it Le sorvisc é a desposiziun tla sozio-sani­tara a Picolin dales 8:30 ales 11:30, ai 27.07. y ai 17.08.2026.

Mujiga
24.07.
Cunzert de percuscions
L cunzert dla grupa konTakt, che purterà dant l pez Tutu­guri de Wolfgang Rihm, sarà ai 24 de lugio dala 18:00 sun plaza Rezia a Urtijëi.
25.07.
CAVA House Vibes
Tala stazion a mont dla Col Raiser iel n sada ai 25 de lugio na sëira cun house music cun Kevin Brook, Diegopesx y Stickstoff. N possa furné su cun la furnadoia danter la 5 y la 7 domesdì, juvier danter la 9 y la 10 da sëira. La ntreda costa 19,00 €, tl priesc iel nce laite la furnadoia. L ticket già­pen da cumpré pra la furna­doia de Col Raiser.
26.07.
Panorama Music te piaz Sotegrava
Domenia 26 de messèl da les 18:00 te piaz Sotegrava a Mo­ena tel chèder de la rassegna Fassa Panorama Musica l é l conzert de Evi Mair Olympus Band, musega soul, funk e blues.
26.07.
Cianté y soné sön munt
Pro la ütia de Rit a La Val pón aldí en domënia ai  26 de messé dales 13:30 inant n conzert dla iniziativa »Cianté y soné sön munt« adöm al »Arton Duo« cun Mattia y Giovanni Demetz.
27.07.
Tradizions de Gherdëina
Tl zënter de Urtijëi iel da pudëi udëi na bela desmu­strazion de Schuhplattler, dala 21:00 nchin la 22:00
28.07.
Opera lirica a Moena
En mèrtesc ai 28 de messèl da les 21:00 te teater de Na­valge la Sociazion Le Muse e le Dolomiti porta dant l’ope­ra lirica ‘L’elisir d’amore’ con i ciantores de la Master­class Internazionèla de lirica.
29.07.
Sëira tradiziunela: bai, mujiga y trohtes
Sun plaza de Chemun de Sëlva saràl ai 29 de lugio dala 21:00 inant na sëira tiroleja, cun bai, mujiga y trohtes tradiziuneles.
29.07.
Cunzert dla Mujiga de Albeins
La Mujiga de Albeins sunerà ai 29 de lugio dala 21:00 inant tl zënter Iman te S. Cristina.
30.07.
Cunzert dla Mujiga de Latzfons
La Mujiga de Latzfons sunerà ai 30 de lugio dala 21:00 inant sun plaza de Chemun te Sëlva.
30.07.
Defileda dl Guant dala Gher­dëina y cunzert dla Mujiga
Ai 30 de lugio dala 21:00 inant uniràl fat na defileda dla Lia dal Guant dala Gher­dëina y dla Mujiga tres l zënter de Urtijëi. La Mujiga sunerà pona sun plaza de dlieja.
30.07.
Lia Sampai sun Ciampedie e a La Grenz
Jebia 30 de messèl da les 6 da doman, tel chèder del Cir­cen Dolomites Festival, Lia Sampai e sia band ciantarà ló da la Baita Pra Martin sun Ciampedie canche crepa l’èlba e da sera da les 21:30 a La Grenz de Moena.
31.07.
Conzert te la Pieif de Sèn Jan
Vender 31 de messèl da les 21:15 te la Pieif de Sèn Jan, tel chèder di evenc de Ispira­zions d’istà, l é l conzert ‘Ad Jesum per Mariam’ con l cor mescedà de ousc de eles Ianua Coeli SCG con compagna­ment al orghen e èrpa celtica.
24.07.
Conzert dla Musiga d’Al Plan
La Musiga »Catarina Lanz« d’Al Plan tëgn conzert, incö vëndres ai 24 de messé dales 21:00, sön paiun d’Al Plan.
30.07.
Conzert dla Musiga da San Martin
La Musiga da San Martin de Tor tëgn conzert, en jöbia ai 30 de messé dales 21:00, sön paiun da San Martin.
31.07.
Conzert dla Musiga da Rina
La Musiga da Rina tëgn con­zert, en vëndres ai 31 de messé dales 21:00, sön paiun d’Al Plan.
Uni mierculdi
Trio di corni da mont »Ladinia«
L trio »Ladinia« sunerà si cor­ni da mont uni mierculdi da­la 16:30 nchin la 17:30 te Val. Dai 31 de lugio nchin ai 28 de agost sunerài nce de vën­derdi, for dala medema ëura te Val.

Mostres y Ert
Atualmenter
Mostra de Claus Soraperra
Fin ai 26 de messèl tel spazie espositif te strada de Gocialch 4 a Moena se pel veder la mo­stra del artist Claus Sora­perra dal titol ‘Eburnea – Geo­metries del acort’. Orarie: duc i dis da les 17:00 a les 19:00.
Atualmenter
Operes de Sieff a Soave e Lana
L artist da Ciampedel Mat­thias Sieff met fora sia scultu­res maestouses per dut istà tel zenter storich de Soave (VR), che con la mostra »Guar­­diani della storia« do­venta n museo a ciel avert. Sieff met fora sia operes ence te la esposizion »Frauen/Don­ne« per endrez del Kultur­verein K.art che restarà fora ti vidores de Lana fin ai 8 de november.
Atualmënter
Mostra de Elisa Rungger
Tla ütia Piz Boé Alpine Lounge a Corvara él da odëi döt isté na mostra cun chedri de Elisa Rungger da Rina.
Atualmenter
Jocalo mostra a Vich
Fin ai 21 de aost te la scoles populères de Vich se pel veder la mostra scientifica ‘Jocalo’ de Inout e la Scola Ladina de Fascia: lunesc e mercol da les 15:00 a les 19:00 e da les 20:00 a les 22:00; mèrtesc, jebia, vender e sabeda da les 15:00 a les 19:00, domenia serà.
Atualmënter
Mostra: Mumënc tla Dolomites
La mostra de fotografies de Gabriel Demetz tla biblioteca Tresl Gruber a S. Cristina re­sterà da udëi nchin ai 31 de agost ntan i orars de giau­rida dla biblioteca.
Atualmënter
Mostra »Theatrum Naturae - la paladina dl vif«
La mostra tla galaria Vijion a Puntives, resterà davierta nchin ai 10 de agost, dal lunesc nchin la sada, 16:00 – 19:00. Per vijites ora dl orar de giaurida: 338 2098697.
Atualmënter
Mostra »Mumënc«
L Café Surëdl a Urtijëi nvieia de cuer ala mostra dal titul »Mo­mente – momenti – mu­mënc«, che resterà davierta ntan l orar de giaurida (lu–vë, 09:00 – 19:00) nchin ai 11 de setëmber. Artisć:tes che mët ora: Sabine Brugger, Siegfried Stauder, Anneliese Hofer Heiss.
Atualmënter
missing glaciers – missing me
L Tublà da Nives nvieia de cuer ala mostra dla artista Wil-ma Kammerer, che re­sterà davierta nchin ai 26 de lugio.
Atualmënter
(Future) Paradise Gardens
A Urtijëi, ma nce ti autri doi luesc dla valeda, iel da udëi nchin ai 13 de setëmber la nstalazions d’ert dla Bienela Gherdëina. Plu nfurmazions sot a www.biennalegherdeina.org
Atualmenter
Mostra ‘Ad Jesum per Mariam’
Fin ai 29 de messèl te gejia de Sènt’Ugèna, tel chèder di evenc de Ispirazions d’istà, se pel veder la mostra ‘Ad Je­sum per Mariam’ de Ro­sanna Pellicani che compagna la vijites con sia musega: dal lunesc al vender h. 10:00-12:30; 15:00-18:30, sabeda e domenia h 10:00-12:30.
Mierculdi y dumënia
Vijites menedes tres la Bienela
La vijites menedes tla rujeneda tudëscia, taliana y nglëija vën fates uni mierculdi y dumënia dala 10:00 nchin la 13:00. N se anconta dan l Info Point tl self Trenker a Urtijëi. Priesc: 10,00€ + ntreda. N possa se nuté su nchin la 18:00 dl di dant sun la plata dl Val Gar­dena Active.
24.07.
La lerch danterite
N vënderdi ai 24 de lugio dala 17:00 iel la giaurida dla mostra dl artist de Urtijëi Hermann Josef Runggaldier tla Hofburg de Persenon. La mostra ie da­vierta ntan i orares de giau­rida dl museum dla Hofburg de Persenon, uni di dala 10:00 ala 18:30, y sarà da udëi nchin ai 15 de nuvëmber.
25.07.
Atelier daviert
Deberieda cun i artisć Gregor Prugger y Leonora Prugger jiràn a ti cialé a si atelier sa Pilat. N se anconta dan l Info Point tl self Trenker a Urtijëi dala 16:00 – da iló jiràn pona su sa Pilat a pe (za. 40 menuc). N possa fé pea debant. Iscri­zions sun la plata dl Val Gar­dena Active.
31.07.
Mostra y teater tla   »StallArt«
N vënderdi ai 31 de lugio da­la 18:00 iel la giaurida dla mo­stra di artisć Astrid Gam­per, Gerald Moroder, Armint Grunt y Christian Stl sal luech de Pecëi a Urtijëi. Da dedò, dala 20:00, saràl da udëi l teater dal titul »Aufschrei« dla lia KulTour. Per l teater iel da se nuté su sot al numer de telefonn 340 8410782, la cher­ta dl teater costa 15 €. Tl priesc iel nce laite velch da bever.

Chino
Atualmenter
Al Kino de Cianacei
Anché, vender 24 de messèl da les 17:00 l é »Calice & Tote­bag« aperilab kino con labora­torie creatif e aperitif e da les 21:00 l é »Odissea«, mèrtesc 28 da les 17:00 l é »Catalans e ladins« aperitif e musega live con Lia Sampai, jebia 30 da les 20:30 l é l docufilm »Dolo­mitismo pt. 1« de la Fon­da­zion Dolomites Unesco. Info @cinemateatro marmo ladacanazei.
Atualmenter
Al chino de Pardac
Doman, sabeda 25 de messèl e domenia 26 da les 21:00 l é »Odissea«, domenia 2 de aost da les 21:00 l é »Michael« al cost de 5 euro, sabeda 8 e do­menia 9 da les 21:00 l é »Spider-man, brand new day«. Info: www.cinemapredazzo.it.
Atualmenter
Al chino de Tieser
Anché, vender 24 de messèl da les 17:30 l é »Toy Story 5« e da les 21:15 »Michael«, sa­beda 25 da les 21:00 l é »Odis­sea«, domenia 26 da les 21:15 l é »Obsession«, film horror descomanà a chi che à manco che 14 egn. Info: www.cinema tesero.com.

Iadi y Jites
Atualmënter
Iscrizions: cun l’e-bike sul »Marchkinkele« y ora per i ëures dl cunfin
La Lia da Mont mët a jì chësta jita n sada ai 1. de agost. La curiera pëia via da Plaza S. Antone dala 06:30. L ie na jita mesanmënter ria de za. 62 km, che se damanda tec­nica y n pue’ de training sun la roda. N possa se nuté su tres »whatsapp« nchin ai 25 de lugio al 338 3340111 (Theo). Per plu nfurmazions: Georg 335 7885710, Theo 338 3340111. Priesc: 18,00 € per scric ite, 13,00 € per scric ite sot ai 18 ani.

Publizistica
29.07.
N liber - na mont: ancunteda cun l autëur Miki Gruber
Per la lingia dl’ ancuntedes cun i:la autëures iel ai 29 de lugio dala 17:30 a Urtijëi tla Cësa di Cungresc l’ancunteda cun Miki Gruber, scritëura dl liber »Il marchio IO«.