Ra Guardia de Finanza de ra tenenza de Auronzo r’é śuda a vede se dute i paroi de ciaśes i stà ca dasen, o se i fesc finta, i conta bujies, par no pagà steores. I finanziere i é śude a vede in Auronzo, ma anche par outre comune de el Cadore, e i à ciatà cuarantatré parsones che dijea el fouzo. Fate nafré de conte, i à ciatà che manciaa 115 mile euro, a ra fin de ‘l an, inze ra cases de chi comune. Se sà che no se paga Imu par ra prima ciaśa e coscita trope i fesc caboles: suzede che, de doi maridade, un ‘l à ra ciaśa in zità e chel outro inze ‘l luó de ra vacanzes, o mangare i fesc el medemo śogo intrà i jenitore e i fioi, finamai intrà i none e i neode. I finanziere i à ciatà tropa otes che ra ciaśes ‘s ea voites par trope mesc a ‘l an, che chera śente stajea ca noma poche dis, calche setemana, da Nadà, da Carnaal, ma pichesee d’istade, che d’inverno ‘l é fiedo e costa masa daerśe ciaśa, da scioudà inze. (MDM)
De plu tla edizion stampeda de La Usc di Ladins o sun l e-paper a paiament www.lausc.it/e-paper
Seconda ciaśes par el comun
Ra cronaca: ra Finanza và a vede de i fouze che conta de stà in Cadore, par no pagà steores. Ce suzedelo in Anpezo? Un paes che dora, par vive, trope de chiste sode
Galaria retrac
View the embedded image gallery online at:
https://www.lausc.it/valedes-ladines/anpezo/26946-seconda-ciases-par-el-comun#sigProId264bf8d5e8
https://www.lausc.it/valedes-ladines/anpezo/26946-seconda-ciases-par-el-comun#sigProId264bf8d5e8