La Usc di Ladins

»Maitin« l é l inom per ladin de la bela novità da Nadèl che l é stat endrezà ta Cianacei, n picol marcià bel rencurà te parch di jeghes. L se jonta ite ai marcé endrezé da desvalives egn te etres paijes de Fascia: ti egn passé i hotelieres de Cianacei aea uzà fora la mencianza te paisc de chesta sort de atrazion comerzièla che vegn ca dai paijes todesc e la se à sparpagnà fora ti ultimes egn. A Cianacei, descheche ne à dit l grop de endrez, se à proà a la leèr a noscia usanzes e a la comunità, pean via dal inom: »Aon cernù zeche che spieie nosc teritorie e noscia tradizions, desche ence chel che vegn sport«. L é stat metù fora donca diesc ciasetes, una apedejù l’autra (fates jir da boteighes, artejegn e sociazions del post); te mez, banches con piumaces e pelices, foghères, lumes e linternes. Na bela atmosfera da festes con musega, vèlch da ciaut da magnèr e da beiver e ogec fac a man.

Se pel lejer dut su La Usc nr 50 dai 24 de dezember, che se pel troèr ence te la boteighes de sfoes. Sul sit se per fèr l abonament al e-paper per aer azes vigni vender a dut l sfoi sul fonin, tablet o computer.

 (Nicoletta Riz)