La Usc di Ladins

Ciaré derevers é tres interessant, ajache an s’un anadëia dl mudamënt y dl ater vers, de ci che ne pö se mudé mai, gnanca tl decurs de 50 agn.

Chëstes é les impresciuns che an á sce an platernëia fora por les ediziuns de La Usc di Ladins dl 1976. En chësc ann gnô le foliet dé fora öna na ota al mëis, en gran pert al pröm dl mëis. La varieté de articui y de tematiches ê grana: danter articui cun cuntignüs plü religiusc y noeles de cronica locala, che revardâ laurs publics y l’ativité dles uniuns, s’alzâ fora l’apel ala sconanza dl lingaz de mendranza y so renforz. Y implü, danterite, él da ciafé noeles che se coliëia a nosc presënt.

Tratan che an spera che gran desgrazies sciöche chëra dl gran tremoroz tl Friul restass tl passé y sides ma plü presëntes tl recort, se presen­tëiel ocajiuns y debojëgns tres indô danü - sciöche chël de fá sö n zënter scolastich nü y chël de avëi sciöche mendranza linguistica na rapresentanza tres n istitut cultural. Dl ater vers ne lascia val’ problematica nia da nes’acompagné ciamó alde­daincö, mo an la vëiga varié inant cun nos, ince ciamó do da mez secul.


Deplü da lí ciafëise tla ediziun stampada de La Usc di Ladins de vëndres ai 30 de jená!