La Usc di Ladins

Dotours
Dutor Gherdëina
L dutor de servisc da n sada ai 07.02. dala 08:00 daduman nchin la 08:00 daduman de n lunesc ai 09.02. ie l dutor Pablo Policastro tl ambula­tuere di dutores Kostner/We­ber, a Urtijëi tla streda Tre­binger 10, tel. 366 3646 254. 
Doturs Val Badia 
Tla fin dl’edema dl 7 y 8 de forá él en sorvisc ti comuns de Mareo y San Martin le dotur Eduard Agreiter, San Mar­tin de Tor, tel. 0474 523 315 o 333 1380852. Ti comuns de Corvara, Badia y La Val él en sorvisc la doturia Jasmine Gabrieli, La Ila, tel. 371 7515275.

Apoteches
Apoteca Gherdëina
L’apoteca che ie de servisc ora dl orar urdiner de giaurida, da n vënderdi ai 06.02. nchin n vënderdi ai 13.02. ie chëla de Fie, tel. 0471/725373 (orar: 8.30-12.30/15.00-19.00, sada 8.30-12.30, stlut mierculdi domesdì. Turnus: sa. 8.30-12.30/16.00-19.00, du. 10.00-12.00).
Apoteca Val Badia
L’apoteca en sorvisc fora dl orar ordinar, dal vëndres ai 6 de forá dales 19:00 al vën­dres ai 13 de forá ales 19:00, é chëra da La Ila, 0471 847 152.

Cursc
06.02.
Curs de balé
La grupa Bal Populer Sëlva y S. Cristina mët a jì n pitl curs di vares de basa walzer, polka y bayrisch polka per chi che scumëncia y nteressei ai 6 de fauré, for dala 20:30 tl local dla proes tla Cësa de Cultura de Sëlva. La lia nvieia nce ala proa da Carnescià ai 13 de fauré, per se fé na blòta sëira balan mascherei. L ie debant.
12.03.
Curs da inrissé üs
En jöbia ai 12 de merz dales 19:00 ales 20:30 él tl Ciastel de Tor a San Martin n curs da inrissé üs cun Rosmarie Verginer. Le cost é de 10,00€ a ce, i posć é limitá. Prenota­ziuns al 339 3115679.

Mostres y Ert
Atualmenter
Mostra sul schi de Manuel Riz
Te Museo Ladin de Fascia se pel veder na esposizion de ojec e de taoles del arist Ma­nuel Riz e se pel ence comprèr la neva graphic novel dal titol »Il pendio bianco. Storia sociale dello sci«.
Atualmënter
Alpaca y ert: na mostra de solidarità per l Perù
La grupa Gherdëina per l Perù nvieia de cuer a na mo­stra de opres fates a man tla miscions dl Perù per n fin de bën. L’esposizion jirà inant nchin ai 9 de fauré tla Lia Mostra d’Ert a Urtijëi. Orar de giaurida: 09:30–12:00 y 15:00–19:00, de vënderdì y sada nce dala 20:00 ala 22:00.
Atualmënter
Deventé crëscer amé
Tla Cësa de Chemun de Laion iel da udëi na mostra de Guido Senoner Tinderla, che resterà da udëi nchin ai 15 de mei, dal lunesc al vënderdi dala 8:00–12:00 y la juebies nce dala 16:00 nchin la 18:30. Duc ie nviei de cuer.
Atualmënter
»Dal lën al juech – Sevi ora per l mond«
L Museum Gherdëina nvieia a unì a ti cialé ala mostra nue­va tl Museum, per scuvierjer la storia faszinënta dla Sevi, firma che à fat juesc de lën dal 1831 nchin al 1998 y che ie stata de gran mpurtanza per la vita de truepa families de Gherdëina. Orar: dal lunesc al vënderdi dala 10:00 nchin la 16:00.
Atualmënter
Mumënc... tla Dolomites
La mostra cun lëures de Gabriel Demetz tl Café Surëdl resterà da udëi nchin ai 30 de merz ntan i orars de giau­rida dl Café Surëdl.
Atualmënter
Mostra »All’inizio tutto era mare«
Tl salf dles manifestaziuns da Corvara él da odëi cina ai 22 de forá la mostra »All’inizio tutto era mare« de Matteo Agreiter. Orars: ia por l’edema dales 8:00 ales 12:00 y dales 16:00 ales 18:00, la domënia y i dis de festa dales 10:00 ales 12:00 y dales 16:00 ales 18:00.
Uni vënderdi de fauré
Vijita meneda tres la mostra nueva tl Museum Gherdëina
La curadëssa Jamila Moroder menerà tres la mostra nueva »Pec de n mond« – figures de Gherdëina danter na imaja de sé y na ududa sun l mond: uni vënderdi ntan l mëns de fauré, dala 16:00 nchin la 17:00. L ne n’ie nia debujen de se nuté su.
07.02.
Cun lava y nene te museum
Scuvierjer la mostra »Dal lën al juech« cun lava y nene! L Museum Gherdëina nvieia cun legrëza nëinesc y nepoc a scuvierjer deberieda la magia di juesc da ntlëuta y d’al didan­cuei. Posć limitei – l ie debujën de se scrì ite: 0471 797554 o scrì a info@museum gher deina.it.

Chino
Atualmenter
Al chino de Pardac
Insnet, vender ai 6 de firé da les 21:00 l é »Il tempo delle ossa«, sabeda ai 7 da les 21:00 l é »Anaconda«, domenia ai 8 da les 17:00 l é »La Grazia« e da les 21:00 l é »Anaconda« che vegn moscià ence en mèrtesc ai 10 semper da les 21:00, mercol ai 11 l é »Marty Supreme«, jebia ai 12 »Pre­dator: Badlands«, vender ai 13 »Return to Silent Hill«.
Atualmenter
Al chino de Tieser
Insnet, vender ai 6 de firé da les 21:00 e sabeda ai 7 da les 17:30 l é »Anaconda«, sabeda da les 21:00 l é »Marty Su­preme«, mèrtesc ai 10 da les 21:00 l é »Nuremberg (Norim­berga)« verscion per ingleis con i sotetitoi, vender ai 13 da les 21:00 l é »Cime tempe­stose« che vegn moscià ence sabeda 14 da les 21:00.

Iadi y Jites
19.02.
Jita sa la Getrumalm tla Val de Sarentin
La Grupa »Nëus jon pa bel plan« mët a ji chësta jita - l sarà da jì feter 4,5 ëura, cun n deslivel de 500 metri suvier y juvier. L vën cunsià de tò pea grifs y fusć. I orars per pië via: Sëlva dala 7:45 (hotel Oswald), S. Cristina dala 7:50 (Bar 2000) y Urtijëi dala 8:00 (plaza Sant Antone). Per se nuté su: dai 10.02. nchin ai 17.02. tres whatsapp o sms al: 328 914 6844 (Arthur).

Temp Lede
Atualmenter
Carnascèr sui festii
Fin ai 22 de firé se pel jir a veder la ciasetes fornides su da Carnascèr endrezèdes da privac, sociazions, istituzions e gropes sui festii fora per l paisc de Vich e sia frazions, col coordenament del Comitat Manifestazions.
Uni lunesc
Cërtl de letura
Tla biblioteca de San Durich a Urtijëi se ancónten uni lu­nesc dala 18:00 per n cërtl de letura cun Nicoletta. N liej de­berieda l liber »Quello che possiamo sapere« de lan Mac­Evan. Duc possa unì a fé pea.
Uni juebia
Ciaculon deberieda – per ladin
La Union di Ladins de Gher­dëina mët a jì la ancuntedes de »Ciaculon deberieda« per chi che scumëncia y chi che ulëssa miuré si ladin. N se anconta uni juebia dala 18:00 (ora che i dis de festa), tla bi­blioteca »Anda Malia da Cudan« tla Cësa di Ladins a Urtijëi. Unide nce Vo!
09.02.
Yoga y paslunch
Pro le zënter de paslunch Alta Badia a Sciaré da San Ciascian vëgnel tigní vigni lönesc dales 10:30 n curs de yoga y pas­lunch. Por tó pert mësson se scrí ite sot a www.scuola fondo.it
11.02.
Cun e-bike y rodes da agüs söla nëi
La Scora de schi da Calfosch mët a jí vigni mercui na escur­jiun de »Snowbiking«, cun la e-bike y rodes da agüs söla nëi. An pëia ia dales 10:30 da Calfosch y an fej na roda cina al’Armentarola a San Cia­scian. Prenotaziuns pro la Scora de schi da Calfosch, anter le de denant.
11.02.
Cui schi da sëra
Tl’Alta Badia pón jí vigni mer­cui cun i schi ince da sëra, dales 20:00 ales 22:00 sön la pista »Doninz« a La Ila. Por podëi anuzé l’implant adoron na cherta dai schi che vel plü dis.
12.02.
Carnescià a S. Cristina
N Juebia Grassa, ai 12 de fau­ré, ie duc nviei a unì ma­scherei sun Plaza de Chemun dala 10:00 inant. Daldò giape­ràn na bona panicia y crafons.
12.02.
Defileda da Carnescià te Sëlva
La defileda de Carnescià vën a se l dé n Juebia Grassa, 12.02. dala 17:30 te Sëlva: n se anconta dan la Scola de Schi per passé per la streda Nives nchin sun Plaza de Chemun, ulache l unirà pità n bel prugram de aurela curta.
12.02.
Gran defileda da Carnescià a Urtijëi
N Juebia Grassa ai 12 de fauré dala 15.00 dal Hotel Ma­donna/Despar demez. Granc y pitli ie nviei a fé pea y a se lascé tumé ite vel’ blòta ma­scra. La plu beles unirà pre­mie­des.
12.02.
Festa da Carnescià tl Circolo
Tla sala dla mostres dl Cir­colo – Lia Mostra d’ert vëniel metù a ji na festa cun mujiga dal vif cun »InBetween« y »SunSëida«, n juebia ai 12 de fauré dala 19:30 inant. Duc ie nviei de cuer.
12.02.
Carnescià sun l purtoi da Palmer
N Juebia Grassa, dala 20:30 puderàn ti cialé a na bela des­mustrazion sun i schi y snow­board dla Scola de Schi y Snowboard Saslong.
12.02.
La Ila: domisdé cun jüc da mësa
Le pulmin di jüc dl »Spiele­verein Dinx« storj pro en jöbia ai 12 de forá dales 15:30 ales 17:30 a La Ila. Te biblioteca pó pici y gragn passé n do­misdé cun na gran cerna de jüc da mësa. N espert dá con­sëis y spliga les regoles. Al é ince la poscibilité da s’impresté fora jüc.
12.02.
Bun de Gran Risa
Cina ai 5 de merz él vigni jöbia l’iniziativa »Bun de Gran Risa«, olache l’implant de Piz La Ila vëgn bele daurí dales 6:55. I partezipanc pó, adöm ai maestri de schi, porvé fora bele adora n percurs sciöche na gara de Copa dl monn. Prenotaziuns ti ofizi turistics dl’Alta Badia.
12/17.02.
Mascherèdes ta Penìa
L Grop de la Mèscres de Dèl­ba e Penìa porta dant amò doi mascherèdes da les 20:30 te la veia scoles de Penìa. En jebia de Carnascèr ai 12 de firé i met dant l toch de Simon de Giulio »Tome Tomera e la sossies« e en mèrtesc gras ai 17 de firé »L idraulico del telefon« de Fabio de la Menina.
13.02.
Ti ciaré ales stëres
En vëndres ai 13 de forá pón jí a ti ciaré ales stëres y ai planëc, adöm a Enrico, espert dles morvëies dl cil. L’apun­tamënt vëgn tigní a Sciaré a San Ciascian, dales 20:30. An pó se scrí ite ti ofizi turi­stics dl’Alta Badia.
15.02.
Carnascèr de Ciampedel
En domenia ai 15 de firé a Ciampedel vegn endrezà la defilèda de Carnascèr dal titol ‘Olimpiades di Beches’. Da les 14:30 te piaz de Ciampedel musega, da magnèr, da beiver e devertiment per duc.
16.02.
Sègra de Sènt’Ugèna
En lunesc ai 16 de firé l é la sègra de Sènt’Ugèna. Se ponta demez da les 10:00 da la capela de Vich e se va sun Ciaslir en procescion, da les 10:30 messa grana e do messa grostoi e dotrei sonèdes de la Musega da Vich.
17.02.
Tal e cal… a Carnascial
En mèrtesc ai 17 de firé da les 14:00 te piaz de Sotegrava a Moena vegn endrezà la festa de Carnascial »Tal e cal… a Carnascial« con la premiazion de la trei mèscres più beles de ogne categoria: grop, singoi o familia: iscrizions al 353 3575534. Te piaz fortaes, da beiver, dj set e l cianton di picoi.

Avisc
Atualmënter
L Cor y l Urchestra de dlieja chier ciantarins y sunadëures
Chi che à nteres a unì a purvé possa unì de merdi tl local dla proes te calonia de Urtijëi aut ite o se lascé audì da n cumëmber.
Atualmënter
Picolin: portina por assistënza y cura
La Portina por l’assistënza y cura é daverta trëi iadi al’ede­ma: le lönesc dales 14:00 ales 16:00, le mercui y la jöbia dales 10:00 ales 12:00. Tel. 0474 586123 tratan chisc orars. La Portina é tl Raiun soziosanitar a Picolin, tl’alzada a tera sön la man ciampa. Al vëgn chiló tut sö dötes les chestiuns por ci che reverda le guern dles porsones.
Atualmënter
»Ëres

• 
•  

View the embedded image gallery online at:
https://www.lausc.it/manifestazions-y-evenc/31206-manifestazions-atuales#sigProId0d23b6b08e

dëida Ëres«
L’ofize a Bornech é da ciafé tla str. Paul von Sternbach nr. 6. Al é davert dal lönesc al vëndres dales 8:30 ales 11:30, le mercui ince dales 15:00 ales 17:00. info@frauen helfenfrauenbruneck.it
Atualmënter
Iniziativa di ëi de Puster
L’ofize dla MIP–Männer­initiative Pustertal dëida i ëi y peri pro caji de separaziun y pîta aiüt te situaziuns de dificolté. L’ofize é tl Paternsteig nr. 1 a Bornech y é davert lönesc y mercui dales 14:00 ales 19:00, le vëndres dales 8:00 ales 12:00. Contac: 0474 555848, 340 1896431 o info@mip-pustertal.it
06.02.
Stories de 15 menuc – prejentazion dl liber »Die Schlernhexe Xantia«
Tla biblioteca de S. Durich a Urtijëi vëniel liet dant na storia per per mutons, l prim vënderdi dl mëns dala 15:00. Ai 6 de fauré saràl na prejen­tazion dl liber »Die Schlern­hexe Xantia« cun l’autëura Erika Nogler Kostner y l’ilu­stra­dëura Evi Gasser. Evi dessë­nierà nce zeche cun i mutons.

Sozial
Atualmenter
Portel de scout mediazion familia
L Comun General de Fascia con ALFID Onlus avert n portel de scout, orientament e mediazion familiara per la relazions te c‑sa. L avert a duc e debant a S‑n Jan te Stra­da di Pr de Lejia 12 su apuntament tras l secretariat ALFID (0461 235008 375 8366271) duc i dis con orarie 8:30-12:30 e 14:00-18:00 o teras mail a sportellocgf.alfid@gmail.com.
Atualmënter
»Club Boé«
Le grup de autoaiüt »Club Boé« por problems de alcol o d’atres dependënzes s’incunta vigni mertesc dales 20:00, tla Ciasa di Stüdafüch a La Ila altaite. Les porsones de referi­mënt é Hubert (tel. 339 169 8343) y Methilde (tel. 335 6977604).
Atualmënter
Ciamena dal guant a La Ila
La Ciamena dal guant por mituns »Neores« a La Ila é daverta vigni vëndres dales 14:00 ales 15:30, te local sura i stödafüch a La Ila Alta.
Atualmënter
Majon dal guant a Urtijëi
La Majon dal guant a Urtijëi (tl frabicat dla vedla Cësa de Paussa), tol ju y dà inant per na pitla dunfierta guant y ciauzei ma nce chëutres, ziehes da liet y cultrines tenii drët bën. Orars: merdi, 8:30–10:30, juebia, 14:00–16:00.
Atualmënter
Lia de sustëni tl duel y crisa
Lia de sustëni tl duel y crisa ti juda ala persona nstëssa y la families te situazions de duel. L vën damandà na cuota anuela de 50 euro. Per nfur­mazions de sustëni pòssen tò su cuntat cun: Trauer- & Krisennetzwerk Südtirol VFG–info@trauernetzwerk-suedtirol.com, 379 1170488.
Uni merdi
Marënda per i:la sëura 60
La Lia Sarëinn nvieia duta la jënt sëura i 60 ani a se nuzé de chësc servisc che vën pità uni merdi dala 12:00 (Urtijëi Cësa de Cultura; S. Cristina Cësa de Chemun; Sëlva Stua di Seniores). L ie da se lascé nuté su nchin al di dant da mesdì, cherdan su: per Urtijëi l 3207234396 (Vinzenz), per S. Cristina l 333 1499949, per Sëlva l 335 6558633.
Uni vënderdi
Mëisa dala spëisa
La Lia San Vinzënt de Urtijëi mët a jì uni vënderdi dala 10:00 danmesdì te calonia de Urtijëi basite na mëisa dala spëisa, ulache l vën partì ora roba da maië a chi che à de bujën (che à la residënza a Urtijëi).
12.02.
Deberieda: festa de Carnescià
N se anconta n juebia ai 12 de fauré dala 13:30 dan la Cësa de Paussa a Urtijëi, per furné a Bulsan da nosc cumpa­nies de »Il nostro Soazio­sissimo« per festejé. »Deberie­da« ie na grupa che mët a jì ancuntedes danter ulenteres y persones che à problems psichics o de sozialisazion.
18.02.
Scontrèdes de auto mutuo aiut
La sociazion Rencureme de Fascia e Fiem endreza scon­trèdes de auto mutuo aiut per chi che à te cèsa parenc con problemes de memoria e decadiment cognitif. Seconda scontrèda en mercol ai 18 de firé da les 20:00 te Ciasa de Noscia Jent a Poza.

Televijion
Atualmënter
Tg Ladin
Orares dl TG ladin menà da Egon Vinatzer: uni merdi dala 19:30 sun Alto Adige Tv, cun repliches uni sada dala 18:15 sun Trentino TV y uni dumënia dala 18:30 sun Alto Adige Tv; repliches nce online.
10.02.
Sport Ladin
Dales 20:50. Test y regia Diego Clara, produziun Zak, a cura de Leo Senoner.
11.02.
Bedaies ladines pro la Olimpiades (1)
Dales 21:00 ca. N program de Leo Senoner, produziun RAI-BZ.
12.02.
Nosta scola
Dales21:00 ca. Test y regia Lena Mulser, produziun Karbon­video, a cura de Ales­sandro Dapunt.
Informazions
Informazions plu menudes sun i programs de RAI Ladi­nia pòn giaté sun www.raibz.rai.it – Sun l medem sit sarà i programs TV da vedei sot a »Mediateca« y les trasmi­scions radio sot a »Podcast«.

Radio
06.02.
L bel y l burt dla Olimpiades te Anpezo
Cun la maestra Elsa Zardini Soriza, presidënta dla Union di Ladins de Anpezo, nce stata presidënta dla Union Ge­nerela di Ladins dla Dolo­mites y a cë dl cumité per l referendum per mudé Region da pert di trëi chemuns de Cortina, Col y Fedom, ons bele tla prima pert rujenà di aspec positifs dla Olimpiades, ma nce dla critiziteies. Chëst iede ie i Juesc Olpimpics for mo argumënt, ma tulon nce l’ucajion de prejenté Anpezo dal pont de ududa culturel y soziel. Ampëz ie ladin! (segon­da pert). Trasmiscion de David Lardschneider.
08.02.
Ciantarins y musizisć unic a mancé ntan l 2025
Longia ie la lista di ciantarins y ciantarines sciche nce mu­sizisć morc via per l ann 2025. Te chësta prima trasmiscions se lecurdons de Chris Rea, Klaus Doldinger, Ornella Vanoni, Roberta Flack, Brian Wilson, Marianne Faithfull y scuton su la cianties che i à fat cunëscer sëura dut l mond (prima pert). Trasmiscion de Georg Mussner.

Teater
27.02.
A teater a Tieser
En vender ai 27 de firé da les 20:45 te teater de Pardac, per la rassegna de teater de Fiem, l é la compagnia Multi­verso­teatro, en colaborazion con CSC e PACTA, che porta dant l toch »Dalser, La Musso­lina«.

Mujiga
08.02.
Conzert del driz Ganes
En domenia ai 8 de firé, en ocajion de la Olimpiades, da les 20:45 te teater de Tieser l é l conzert de la ciantarines ladines Ganes dal titiol »Vives«, entrèda debant.
08.02.
Al Plan: conzert cun »Die Winterreise« de Franz Schuber
En domënia ai 8 de forá dales 18:00 él tl salf dla scora de musiga d’Al Plan n conzert cun la pianista Margot Feder­spieler y le tenor Renzo Huber, che porta dant la pröma pert de »Die Winterreise« – n ziclus de cianties de Franz Schubert. Al gnará ince fat na picia introduziun ai toc.