La Usc di Ladins

Bèsta jir a chierir te internet ‘alberghes en vendita’, che ence te Fascia se n troa na dejina. »L’atrazion de la val la é auta – ne disc Luca Moschini, aministrador de Trentino Holidays, una de la aziendes del grop Confcommercio. L é n muie de hotie en vendita o che volessa vener ma no per debites, chi che va al encant é dalbon pec, la gran part l é percheche i fies no vel jir inant o percheche mencia chi che va inant. Amancol na dejina de hotie é jà jic te man del marcià forest.«
Per ge fèr front a chesta situazions e se parèr dai fondi foresć l é stat metù su na neva public company che à inom Fassa Dolomites Euregio Touristic. »L’idea é nasciuda da Walter Nicolodi – disc Moschini, che fèsc pèrt del Consei de Aministrazion. Se trata de n model n muie struturà, l é la holding che l é na sozietà finanziaria pura olache l é ite i sozi col capital e sotite l é autre doi sozietà che vegn controlade al 100%: la sozietà imobiliara, chela che se intesta la strutura, e la sozietà de gestion direta.

Podede lejer dut su La Usc dai 13 de firé da ciapèr te la boteighes de sfoes de la valèdes ladines o tras abonament (info:www.lausc.it/abo o abo e-paper)

 (Monica Cigolla)