La Usc di Ladins

»Zweitland« a La Ila
En mertesc ai 10 de forá dales 19:30 vëgnel mostré tla Ciasa dla Cultura a La Ila le film »Zweitland« de Michael Kofler
Le Consëi de formaziun Badia inviëia ala proieziun dl film »Zweitland« de Michael Kofler. Ara nen vá dl Südtirol l’ann 1961: le raiun dla Talia dl nord vëgn scassé sö da na seria de atentac cun bombes. Tratan che le paur jonn Paul ó s’un sciampé dal dagní malsigü de so paisc y studié pitöra, combat so fre Anton zënza compromisc por la sconanza dla mendranza de lingaz todësch. 
Do che al é salté fora che Anton é un di responsabli di atentac, s’un sciampel y lascia zoruch le lüch y la familia. Le film é por todësch, cun sottitui por talian.

Multisport tratan l’isté 2026
Alta Badia: edemes de ativités y aventöra por mitans y mituns dala scolina cina ala mesana
Les sozietés sportives dl’Alta Badia mët a jí chësc isté tröpes ativités:
»Mini Multisport + Creativity«
Ativités por mitans y mituns dla sco­lina, cun nodé, ginastica, percursc de abilité, jüc de motorica. Edemes intieres dai 13 ai 17 de messé, dai 27 al 31 de messé, dai 10 ai 14 d’agost, dai 24 ai 28 d’agost, tres dales 9:00 ales 14:30. Cost: 120,00€ a ce (cun marëna). Iscriziuns dai 23 de forá al 1. de merz sot al link: https://forms.gle/pDCdTeP21xszeu1p7
»Sportweek All Day«
Por mitans y mituns dla mesana: edemes de sport y aventöra cun ativités desvalies: arpizada, rafting, jüc de scuadra, parcour, jüc t’ega y. i. i. Edemes intieres dai 13 ai 18 de messé y dai 10 ai 15 d’agost, dales 9:00 ales 16:00. Cost: 120,00€ a edema (zënza marëna). Iscriziuns dai 23 de forá al 1. de merz sot a: https://forms.gle/QxDUU mdwV9jon1hB6
»Multisport All Day«
Ativités desvalies por mitans y mituns dla scora elementara: da roda a palé, da jadiné a nodé cina beachvolley y erts marziales. Edemes intieres dai 6 ai 10 de messé, dai 20 ai 24 de messé, dai 3 ai 7 d’agost y dai 17 ai 21 d’agost, dagnora dales 9:00 ales 15:00, cun la marëna lapró. Cost: 360,00€ a ce (cun marëna). Iscriziuns dai 23 de forá al 1. de merz sot a https://forms.gle/KW2jvqE gR7BzrQd98
Informaziuns plü menüdes ciafon ala e–mail a info@skiteamaltabadia.it

Festes da Carnescé tl’Alta Badia
En ocajiun dles edemes de Carnescé vëgnel organisé tl’Alta Badia deplü festes
La jöbia ai 12.02. vëgnel metü a jí a Badia adöm ala schira jonila n domisdé de animaziun dlungia la staziun a val dl implant »La Crusc1«. Dales 13:30 inant sarál de vigni sort de devertimënt cun mascheres, musiga cun DJ, an pó se lascé depënje sö le müs y al vëgn dé fora val’ de duc. Le medemo de él ince söl program a Calfosch la festa de Car­nescé, dales 14:00 inant dlungia le punt tl zënter dl paisc, cun musiga, face – painting y animaziun de clowns. Deplü strotöres dl post y i jogn da Calfosch – Corvara arjigna ca val’ da bëre y da mangé. Le Carnescé tl’Alta Badia vá inant le mertesc ai 17.02. dales 14:30 cun la defilada dles mascheres jödapé dla pista »Col Alt« a Corvara. Na juria premiará la maschera plü bela y originala y por tó pert bastel se scrí ite sön le post. Lapró sarál ince n spetacul sön i schi adöm al »Pirates Freestyle Team« y al ne manciará nia face–painting, boandes y canifli. 
Da sëra sarál l’apun­tamënt dla »Nöt dla liösa« a San Ciascian lié al Carnescé. Düc é inviá a tó pert en ma­schera y an podará jí a se chirí la olp y fá na foto para por davagné na picera scincunda. Le tru dla liösa »Foram« gnará ilominé dales 19:30 ales 22:30 y an pó anuzé l’implant »Piz Sorega«.

Cunzert dl Duo Dörken
I Jëuni de Mujiga Gherdëina nvieia al cunzert dl Duo Dörken n merdi, ai 10 de fauré dala 20:00 tla Cësa di Cungresc a Urtijëi
Cun l gran suzes dla surans Danae y Kiveli Dörken coche duo al tlavir, ne pòssen fé auter che udëi che les toca de suné deberieda.
Tramedoi possa mustré su carieres de suzes coche solistes y musi­zistes da camera cun d’autri strumënc cune­sciui. Jan inant sun si streda ndividuela y nde­pendënta, ieles ala fin mpo chersciudes adum te na nueva unità.