La Usc di Ladins

Ogni di per na stemana, dai 15 ai 21 de marz, l Teatro Stabile del Veneto l metarà online sun suoi canai social n episodio de la web serie “L’anno dei sette inverni”, nassuda da na riflession de Matteo Righetto, scritor cugnessù per suoi liber ulà che l conta de suo amor per la mont e che apena che l pol scampa sa Col ulà che l à cesa. Nte sta produzion Righetto l contarà de la sua esperienza de l’ansuda del 2020, canche l é ruà l Covid, passada a Col n lockdown: n temp che someava no finì pi, come se per duc fosse passà set lonch invar dalonz da le relaziogn con chi auter, da la vita de ogni di e canche se podeva avè a ce fà domà co la natura. N esperienza debota da “eremita”, che l é stada de ispirazion per sta serie direta da Marco Zuin, co le musiche de Giorgio Gobbo e la os che conta che l é propio chela del scritor.


(ciataré l articol intier su la Usc de vender ai 12 de marz)

Martino Pezzei