Pra la racolta de roba da maië per i pueresc à la grupa Gherdëina per l Perù pudù abiné adum roba da maië y truepa dunfiertes per n fin de bën.
La destinazion dla roba da maië y dla dunfiertes
La roba da maië che on abinà adum ti dajerons ai plu pueresc danter i plu pueresc, mutons, families y jënt de tëmp de Chimbote, Yanama y Chacas.
Cun la dunfiertes puderàn paië la roba da maië a chëi che à l plu debujën. L ti vën cumprà roba da maië ai puere mutons de Chimbote, a families y mutons pueresc a Yanama-Chalhua, ulache ie la Madre Flavia, y na pert di scioldi ti vën data al spedel y ala pluania de Chacas per sustenì i amalei y la puera jënt de tëmp. Nsciuma, n possa vester segures che chël che ie unì dat jirà a n bon fin. Tlo dlongia pudëis liejer la lëtres de rengraziamënt de Padre Armando y de Pere Luca.
N gra de cuer a duc chëi che à judà pea y a chëi che nes à dat zeche
La grupa Gherdëina per l Perù ulëssa tò l’ucajion per rengrazië de cuer duta la jënt de Gherdëina che à judà pea y duc i jëuni ulenteres che ie jic da cësa a cësa! De gra nce al Chemun de Urtijëi y al Pluan Sn. Vijo che nes à metù a despusizion na lerch per nosta azion. De gra de cuer a vo duc che nes ëis sustenì cun na dunfierta o zeche da maië. Vosc aiut ie de gran valor!
Deplù tla edizion stampeda di 4 de setëmber.
Sofia Stuflesser
N pitl gran aiut ntan l tëmp covid
Galaria retrac
View the embedded image gallery online at:
https://www.lausc.it/valedes-ladines/gherdeina/13453-n-pitl-gran-aiut-ntan-l-temp-covid#sigProId43a33e0464
https://www.lausc.it/valedes-ladines/gherdeina/13453-n-pitl-gran-aiut-ntan-l-temp-covid#sigProId43a33e0464