La Usc di Ladins

Tl comunicat stampa iel scrit: "La dezijion vën ora dal'analisa di dac dl sistem nfurmatif di sculeies y dla sculées "Popcorn", che à lascià udëi coche passa l 80% dla studëntes y di studënc dla Scola prufesciunela fej inant si furmazion nce ntan l cuarto ann, arjunjan nscila l diplom de furmazion prufesciunela.

Sëuraprò à i dac mustrà su na majera sauridanza de jì ite tl mond dl lëur per i sculeies che fina l cuarto ann de furmazion, permez a chëi che fina l percurs ala fin dl terzo ann. L mudamënt dl percurs de cater ani respuend nscila sibe ala tendënza bele desmustreda dai sculeies de jì inant cun la furmazion, ma nce al bujën de pité na preparazion plu adateda ala dumandes dl marcià dl lëur.


Dut l articul pudëis liejer tla edizion atuela de La Usc di Ladins.