La Usc di Ladins

Cun n pitl tacuin ghiel tla man, se à l autëur Marco Dibona sentà pra mëisa sun l palch. Duc ti cialova curiëusc: cie fajeràl pa śën cun chësc tacuin? L à tëut ora n valguna munëides, l rest che l à giapà a jì a se bever zeche te ustaria. Y a ti cialé se àl mpensà: Da ulà unirales’a? Povester da dalonc, sà Idie chi che les à tenides tla man? “Mpue coche chësta munëides ie nce la paroles”, àl dit: “Les vën da mi genitores, da mi nëinesc y aves y nce da plu dalonc, dai romans o mo dant”.

Propi cun de tel paroles reres, ladines, à i:la cin’ atëures liet dant si poejies y tesć che i à n pert nce njenià ca aposta per l domesdì leterer a Urtijëi. N à audì d’uni sort de sonns, davia che l ie unì liet dant te cater idioms ladins - fascian, ampezan, ladin dla val Badia y gherdëina - y l fova bel a ti scuté su a chësta gran variazion de paroles, ma nce de tematiches.

Elisabeth Kostner

L articul tla edizion atuela de La Usc di Ladins.