Al fej plajëi da odëi che tröpa jënt ne se lascia nia sciuré jö dal’emergënza dl »coronavirus«. Tles ultimes edemes él nasciü n gröm de iniziatives a 360 gra – culturales, solidales, musicales, etc. – che i un en pert ince podü documenté t’La Usc. Na iniziativa da orëi bun é ince nasciüda a Calfosch, y ara vëgn dai cörs plü nëc di mituns, o te chësc caje dles mitans. Chi che passa do la strada Pecëi a Calfosch, odará chisc dis sön ur’ na dërta bisca fata cun peres da corú. Lassura ciafon motifs de vigni sort: tiers, auti, agnui, natöra y cinamai le virus. Döt é fat cun gran fantasia y buna löna. Intratan n’él bele feter 250, y le travert é da fá rové la bisca cina dan dlijia de paisc. Por l’arjunje, ól ester l’aiüt dla popolaziun, che é bel inviada da fá para.
T’La Usc di Ladins di 30 d’aurí podëise lí che che á albü chësta buna idea
Calfosch implí cun "peres de ligrëza"
Na iniziativa da orëi bun, che porta buna löna do strada a Calfosch. Na bisca cun peres da corú, che dess rové cina dan dlijia. L’idea vëgn da na möta de 12 agn
Galaria retrac
- Foto: privat
- Foto: privat
- Foto: privat
- Foto: privat
- Foto: privat
- Foto: privat
- Foto: privat
- Foto: privat
- Foto: privat
View the embedded image gallery online at:
https://www.lausc.it/valedes-ladines/val-badia/12520-calfosch-impli-cun-peres-de-ligreza#sigProIdd5bc59993b
https://www.lausc.it/valedes-ladines/val-badia/12520-calfosch-impli-cun-peres-de-ligreza#sigProIdd5bc59993b