Fira otica por "gran pert" d’La Ila

Data

09 de messel 2020

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
L’ann passé án taché ite passa 80 utënzes, por iniann de dezëmber ón curí gran pert dl paisc. Defora resta val’ pices loces
I laurs por la fira otica tl comun de Badia vá inant. Tratan che le Comun instës á fistidié da porté inant i alaciamënc por i paisc de Badia y San Ciascian, ti án a La Ila surandé döt ala sozieté Infranet, che á la gestiun dla rëi de fira otica te döt Südtirol. N iade por rajuns tecniches, n iade por rajuns dl tëmp, s’á i laurs tres indó intardié, cina che l’ann passé, dl 2019, éra jüda da taché ite passa 80 utënzes FTTH (Fiber to the home), cun plü de 3 km de escavaziuns. Sce ara nen vá do la orenté dla sozieté, ón anter i pröms de dezëmber da iniann taché ite gran pert dles utënzes da La Ila, cun ciamó 5 km de escavaziuns. Chësc nes confermëia ince l’inj. Emerich Pedratscher, inciarié dala Infranet por le proiet: »Chësc ann minunse da arjigné incër 500 borchies, sambëgn sce al n’é nia de gragn inconveniënc cun le rî tëmp o l’emergënza sanitara Covid – 19«. Defora restará valgünes mëndres zones, che an prevëiga da taché ite cun le 2021.
»I utënc che ó se taché ite ala rëi de fira otica, mëss fá na domanda sön le sít www.infranet.bz.it, sot la usc ’ordina la fibra ottica’, don ite düc i dac damaná«, scrí la Infranet te n comunicat. Les domandes é da fá anter i 15 d’agost. 

Tan che al costa da se taché ite, ci che an mëss fá y ci raiuns che resta defora, ciafëise t’La Usc di Ladins di 10 de messé  (pablo)