Jügn da plöia

Data

10 de messel 2020

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Le mëis de jügn nes á porté n gröm de plöia: trëi iadi tanta co l’ann passé
Ci che é sté bun por la natöra, n’é forsc nia sté cis d’öga por i paurs, y gnanca por la sajun turistica, che é bele insciö condizionada dal "coronavirus". I mini les corëtes dl tëmp, che nes á porté de jügn tröpa plöia, val’ temporai y alüsc ince granijores. Damperfora él da dí che te chësc 2020 êl cina ala fin de ma ciamó tomé pücia ega, massa pücia. De jügn án indere recuperé. Te döt le mëis á na staziun privata d’Al Plan mosoré bëgn 153,2 mm d’ega, che é plü co trëi iadi tanta co l’ann passé de jügn (43,8 mm) y feter 9 iadi tanta co dl 2018 (17,4 mm). Tratan le mëis án albü 17 dis cun prezipitaziuns (olache al é tomé plü co 1 mm d’ega). Le de plü mol é sté ai 8 de jügn cun 25,8 mm.

Deplü sön le tëmp de jügn ciafëise t’La Usc di 24 de messé  (pablo)