La domënia ai 25 de forá, á la Uniun dl Sport da La Val organisé y tigní le "revival" dla gara dles uniuns. N evënt che manciâ bele da plü co diesc agn y che á apascioné ti agn passá n gröm de mëmbri dles uniuns desvalies dl paisc da La Val.
Tröc aspeta chësta competiziun danter uniuns, che prevëiga – sciöche da tradiziun – na gara de liösa a tëmp sön la pista batüda ite en Ramëi. Passa cënt partezipanc de vigni eté y plü co diesc uniuns s’á scrit ite ala gara. N valgügn dis denant á le tëmp manacé da roviné döt, mo al é impó gnü vaghé da organisé l’evënt; por la domënia domisdé ti á spo le bur’ tëmp fat lerch a n bel sorëdl cun val’ neo che n’á nia desturbé i tröc partezipanc ambiziusc rová al start puntuai dala mesa dales döes.
I Stödafüch é stá i plü asvelc y pro i jüc ince i plü abli. Cun la soma di cinch mius tëmps (13’16.27) ti ési sciampá dant ala Jonëza da paur (13'24.93) y la Lia da munt (14'20.92). Pro i stödafüch á ince garejé Karl Nagler, che á metü sö le miú tëmp dl de.
Deplü sön la gara cun i resultac de categoria y d’atres impresciuns fotografiches podëise odëi t’La Usc di Ladins di 15 de merz
I Stödafüch é ince i plü asvelc sön i liöstri
Do tröc agn él indô gnü organisé la gara dles uniuns a La Val, che á descedé gran interes. Cun gran plajëi él ince rové adalerch n gran numer de partezipanc
Galaria retrac
View the embedded image gallery online at:
https://www.lausc.it/valedes-ladines/val-badia/26663-i-stoedafuech-e-ince-i-plue-asvelc-soen-i-lioestri#sigProId58c1d37986
https://www.lausc.it/valedes-ladines/val-badia/26663-i-stoedafuech-e-ince-i-plue-asvelc-soen-i-lioestri#sigProId58c1d37986