La Usc di Ladins

Danter i tröc evënc pitá dales coope­ratives turistiches por saludé l’ann 2026, él iniann indô gnü metü a jí deplü defilades cun i chentli, spetacui sön la nëi y festes ti zëntri de paisc.

Le maiú spetacul sön i schi s’á desfiré ai 5 de jená sön la pista Do­ninz a La Ila. Iniann é la manifesta­ziun chersciüda zacotan: dötes les scores de schi dl’Alta Badia á par­tezipé ala rapresentaziun sön i schi, che á albü sciöche tema les olimpiades 2026.
Dales 21:00 á le spetacul metü man cun le »Freestyle Team Pirates«, che á daurí l’evënt cun salc tl’aria y acrobazies dinamiches. Atira dedô s’á lascé odëi düc i maestri de schi deboriada ai ghesć speziai te na defilada cun i chentli – i ghesć speziai ê da conësce fora, portadus de na simbolica flama olimpica, impiada al mëteman dla serada.

Danter musiga dl dj­set, löms y füc, s’á daimpró ai 150 maestri y maestres de schi esibí sön i schi, cun costüms y coreografies. Ince n valgügn grups de mitans y mituns á tut pert ala rapresentaziun. 


Liede deplü tla ediziun nöia de La Usc di Ladins de vëndres, ai 16 de jená!