La Usc di Ladins

"Farmat" é l’inom dla uniun dl tëmp lëde, che liëia adöm le personal en ponsiun di ospedai da Bornech y da Sanciana, y di distrec sanitars dla Val de Puster y dl’unité sanitara ost. L’inom dla uniun stá por "Feierabend" – lascé vëies – y fistidiëia da desfiré ia por l’ann cotan de ativités, danter chëstes ince jites cun le bus o a pe, mo nia dër sfadioses y cun contignüs culturai. Sciöche l’ann passé á le consëi dla uniun cun so surastant Josef Unterregelsbacher ince chësc ann chirí fora da rodé por n de te n paisc dla Val Badia. L’ann passé êsi stá a La Val do le tru de meditaziun sö a Santa Berbura y spo inant sön la roda dles viles. En chësc ann él gnü fat na bela roda tl paisc da Lungiarü. Indô s’á Paul Alton da La Val metü a desposiziun da acompagné le grup.

Deplü t’La Usc di Ladins di 23 d’otober