Sospenüdes é les ativités comerziales al monü, aldefora dles ativités da vëne alimënc de pröm debojëgn tles vijinanzes y tles botëghes maius y mesanes desco supermarciá. Stlüc é ince i marciá, aldefora di stonc che vënn spëisa cuotidiana. Davertes resta les botëghes dal tabach, les edicoles, les apoteches y les parafarmazies. A vigni manira mëssel gní garantí la destanza danter les porsones de 1 meter.
Sospenüdes é dötes les ativités di sorvisc de restoraziun: bars, pubs, restoranc, bars de dlacins y conditories.
Tuc fora dala stlüta é les menses continuatives y i sorvisc catering che porta la spëisa a ciasa.
Daverc resta i autogrills y les pumpes dal penzin, y i bars y cafés tles staziuns dla ferata, di aeroporc y ti ospedai.
Sospenüs é ince i sorvisc da frisers y estetisć.
Garantis romagn, tl respet dles normes igienich-sanitares, i sorvisc bancars, finanziars, assiguratifs desco ince l'ativité dl setur agricul.
(Iaco Rigo)