La Usc di Ladins

No podea esser atmosfera più magica e maraveousa per l nef conzert di Pentagramma Winds che la museghes de Walt Disney, che da sacotenc de egn fèsc viajèr la fantajia de milions de bec olachemai tel mondo. En domenia ai 21 de oril domesdì via, passa 500 persones à empienì la tribunes del Palafiemme fora Cavaleis per scutèr su n viac tras la melodies più cognosciudes e più da encant di film e cartons animé de la Disney.

Ence instouta, la formazion musicala la se à ejibì sot la bacheta del maester Roberto Silvagni, fondador del projet, diretor de la scola de musega Il Pentagramma e maester de la Banda de Moena. Passa 80 museganc, che tol ite tant maestres che arlieves de la museghes de la doi valèdes, à sonà zis con braura, na capazità che encomai la se fèsc aprijièr da desvalives egn en ca.

De più su La Usc stampèda de en vender ai 3 de mé.  (Nicoletta Riz)