La Usc di Ladins

»Lama« e »Mezzo« l é doi prodoc inovatives de valuta, che l joen designer Riccardo Toldo l à prejentà anter i 16 e i 21 de oril al SaloneSatellite 2024, n pavion dedicà ai joegn sot i 35 egn, endrezà tel chèder del Salone del Mobile de Milan, emportant lech de enconter anter imprenditores-talent scout de gran firmes da dut l mondo e i designer del davegnir. 

Riccardo l à 29 egn e l vegn da Zoldo. De 14 egn l se à trapinà te Fascia a fèr la Scola d’èrt e l Ski College e l se à enciasà te val, olache amò ades l laora te la firma LadinArredi e desche maester de schi a Cianacei. Do aer otegnù l diplom de Matura e de Maester d’èrt, l se à tramudà dant a Unejia olache l se à laureà te trei egn al IUAV (Istitut universitar de Architetura de Unejia) te la facoltà de Product Design e dapò a Milan per la laurea magistrala de Design al Politecnico. Ite per anter l à studià ence a la foresta, con doi Erasmus, un te la Danimarca a Copenaghen e un te l’Olanda a Eindhoven. 

De più su La Usc stampèda de en vender ai 3 de mé.  (Thomas Zulian)