Chesta vera é longia. I à dit che fossa stat coscita. Via pura, la veres no fenesc mai e n é semper una zaolà. Epura chesta ne sà più longia. Co sarèla? Sarà che n sention rejonèr. Oramai da ores, dis, meisc. Seghiton a sentir rejonèr de vera, da l’Ucraina al Medio Orient. E no volassane più. No volassane più che sie vera. No volassane più che se n rejone. Ma no l é medemo per duta la veres. Te la storia l é ence veres che ne fèsc curiousc, che volon cognoscer te duc i particolères. E che volon lejer perché les ne encanta. Una de chestes, e fosc chela de più gran nonzech, l é la lejendèra Vera de Troia. Sessaben, no l é fazile che chesta vera sie scomenzèda per l rapiment de Elena, ma l é storicamenter documentà che l é dassen sozedù na vera a Troia con l atach de popui grecs. Chesta l é na vera che ne sà semper bel scutèr, con l gran viac di grecs a Troia e la longia batalies per petèr ju i gregn mures de Troia, a la fin traversé con la gran gabola del Ciaval. Te la neva editorièla che ve mete dant se conta apontin l’Iliade, ma a na vida particolèra.
De più su La Usc stampèda de en vender ai 3 de mé.
L liber del meis vèrda ai mic de la Grecia
Daniele Verra su La Usc stampèda de en vender ai 3 de mé ne met dant la rezenjion del liber »L’Iliade cantata dalle Dee«.
Galaria retrac
View the embedded image gallery online at:
https://www.lausc.it/valedes-ladines/fascia/27067-l-liber-del-meis-verda-ai-mic-de-la-grecia#sigProId8e6cf4e445
https://www.lausc.it/valedes-ladines/fascia/27067-l-liber-del-meis-verda-ai-mic-de-la-grecia#sigProId8e6cf4e445