La Usc di Ladins

La endesfida contra l tumor al piet la é semper amò averta, ajache de chest mèl la femenes del mond ozidentèl padesc più de spes. Tel Trentin ogne an l é 160 caji neves e sun 1000 screening che vegn fat se sà jà che 7 i vegnarà fora positives. Chisc dac no pel che spenjer la femenes a stèr più ascortes envers chest mèl.

Per chest l Comun General de Fascia endreza na sera de informazion per la femenes, en colaborazion con la LILT (Lega Italiana Lotta  contro i Tumori) de Trent e col patrozinie de la PAT e sia Azienda Sanitèra.

La sera à per tem »Prevenzion e diagnosa bonoriva del tumor al piet (ence endèna l Covid) e la é en program en lunesc ai 22 de november da mesa les nef da sera te sala del Consei de Comun de Sèn Jan. 

Do la paroles dantfora del dr Mario Cristofolini, president de la LILT de Trent, se podarà scutèr l intervent del dr Marco Pellegrini, Diretor de l’Unità Operativa Senologia Clinica de Trent.

L servije sozièl del CGF envia duta la femenes a tor pèrt, con l mot: »Femene de Fascia rencurave e 

assà a cher voscia sanità. Cognede l fèr ence per respet de chi che aede vejin!«
 (LG)