La Usc di Ladins

L era ai 19 de dezember che vegnia chiamà ite l ultim Consei del Comun General de Fascia. L é passà cater meisc zenza che l vegne più binà. La Neva UAL, per ousc de sie capogrop Amedeo Valentini, à manà fora amò dant Pèsca n comunicat per palesèr »l cruzie per chest imobilism de la strutura istituzionèla che ge fèsc dan a la azion aministrativa, endebolesc l equilibrie anter i orghegn e roina la fiduzia, jà debola, di sentadins« e domanèr che no sozede più che passe scì tant de temp anter na sentèda e l’autra. Ai 8 de oril l grop consiliar Fassa–Autononia, con sie capogrop Marco Pederiva, à responet con na nota stampa dijan che »l’azion politica no se fenesc ti momenc de assemblea ma la se svilupea a do a do travers la prejenza sul teritorie, l scutèr la comunanza e l’atenzion concreta di besegnes« Endèna l é stat fissà la data del nef Consei che sarà en mèrtesc ai 28 de oril da mesa les nef. L Procurador Edoardo Felicetti ne à confermà che vegnarà tout dant e responet a la mozions e la interogazion del grop consiliar Neva UAL e vegnarà portà dant per l’aproazion l rendicont de gestion del 2025.

Podede lejer duta doi la posizions portèdes dant dai doi9 capigrop su La Usc dai 17 de oril da ciapèr te la boteighes de sfoes de la valèdes ladines o tras abonament (info:www.lausc.it/abo o abo e-paper)

 (MCI)