La Usc di Ladins

Al n’é nia ma i Comuns che lîta vigni 5 agn, mo ince les Ploanies. A chëstes lîtes pó lité y pó gní litá düc i fedei che á complí 16 agn. La data ofiziala che la Diozeja á fissé é chësta domënia ai 25 d’otober, ince sce tröpes cöres dla valada á bele metü man y partësc sö les lîtes anter plü dis. I sun jüs a damané do co che ara se stá tles ploanies y i un ciafé situaziuns dër desvalies. "Al é dër de gran desfarënzies", dij ince la presidënta dl Consëi dla Unité Pastorala Annamaria Fiung, "Al é ploanies che s’á ciafé candidac y pó fá na lîta indortöra, olache al n’é nia düc che röia automaticamënter ite. Al é indere ince ploanies che stënta da ciafé porsones."
Tla valada él n valgönes cöres che á candidac assá, d’atres che n’á ciafé avisa assá por le Consëi, ciamó d’atres che tëgn na lîta daverta y ince n valgönes olache an baia bele da se mëte adöm cun d’atres. 

Deplü ciafëise t’La Usc di Ladins di 23 d’otober