La Usc di Ladins

Gran Festa de musega, guants e identità. I Studafech e la Crousc Biencia de Cianacei à endrezà la 45^ edizion de la manifestazion che sera su l istà de Fascia. Al cedean di 80 egn da la Radunanza di Ladins sun Sela ge é stat dedicà la defilèda de la domenia. Domesdì se à dejout l moment più spetà del event, che chiama n grumon de ladins e ghesć a Cianacei da olachemai. Se à binà passa mile jent do strèda Roma: 10 museghes, lies culturèles, sacotenc gropes da bal, del guant tradizionèl e de folclor beleche duc chenc da la cinch valèdes ladines del Sela. A scomenz de la defilèda l era la bandieres istituzionèles e na raprejentanza di gropes de endrez de la festa: Studafech e Crousc Biencia. Sobito do l’autoritèdes, la bandieres ladina e fascèna e la jent de Fascia col guant.


Podede lejer dut su La Usc stampèda de vender ai 18 de setember da ciapèr te la boteighes de sfoes de la valèdes ladines o tras abonament (info:www.lausc.it/abo o abo e-paper)


 (Nicoletta Riz)