La Usc di Ladins

Sozial
Atualmënter
Family Support
L servisc Family Support pie­ta sustëni ala families jëu­nes. Tl prim ann de vita dl:a pop:a pòssen se damandé n aiut da pert dla ulenteres, che vën a cësa per n valgun’ëura al’ena a fé vel’ stroz, cialé di mutons:ans o judé ulache l ie debujën. L servisc ie debant y duc possa s’l damandé. Per nfurmazions pòssen scrì a gherdeina@family-support.it
Uni merdi
Marënda per i:la sëura 60
La Lia Sarëinn nvieia duta la jënt sëura i 60 ani a se nuzé de chësc servisc che vën pità uni merdi dala 12:00 (Urtijëi Cësa de Cultura; S. Cristina Cësa de Chemun; Sëlva Stua di Seniores). L ie da se lascé nuté su nchin al di dant da mesdì, cherdan su: per Urtijëi l 3207234396 (Vinzenz), per S. Cristina l 333 1499949, per Sëlva l 335 6558633.
Uni vënderdi
Mëisa dala spëisa
La Lia San Vinzënt de Urtijëi mët a jì uni vënderdi dala 10:00 danmesdì te calonia de Urtijëi basite na mëisa dala spëisa, ulache l vën partì ora roba da maië a chi che à de bujën (che à la residënza a Urtijëi).
Atualmënter
Lia de sustëni tl duel y crisa
Lia de sustëni tl duel y crisa ti juda ala persona nstëssa y ala families te situazions de duel. L vën damandà na cuota anuela de 50 euro. Per nfur­ma­zions de sustëni pòssen tò su cuntat cun: Trauer- & Krisennetzwerk Südtirol VFG–info@trauernetzwerk-suedtirol.com, 379 1170488.
Atualmënter
Majon dal guant a Urtijëi
La Majon dal guant a Urtijëi (tl frabicat dla vedla Cësa de Paussa), tol ju y dà inant per na pitla dunfierta guant y ciauzei ma nce chëutres, ziehes da liet y cultrines tenii drët bën. Orars: merdi, 8:30–10:30, juebia, 14:00–16:00.
30.10.
Deberieda: fajon lintiernes
La grupa Deberieda nvieia a pa­stelné lintiernes. N se an­conta dala 14:00 dan la Cësa de Paussa a Urtijëi. »Deberie­da« ie na grupa che mët a jì ancuntedes danter ulenteres y persones che à problems psichics o de sozialisazion.

Iadi y Jites
Atualmënter
Iscrizions: viac cun l bastimënt sun la Donau
La Grupa KVW de S. Cristina mët a jì n viac sun la Donau cun n bastimënt »Bellejour«, dai 12 nchin ai 17 de auril 2027. La iscrizions vën bele tëutes su da śën inant nchin al plu tert ai 31 de utober 2026. Per plu nfurmazions y per se nuté su: Emmerich Senoner, 335 57 13 575.
29.11.-30.11.
Viac de doi dis a Salzburg
L Kvw de Sëlva mët a jì n viac a Salzburg al marcià da Nadel, al cunesciù »Salzburger Ad­vent­singen« y a ti cialé ala »Salzwelten« a Hallstatt. L ie bele śën mesun resservé l post cherdan su Rudolf al 335 638 0973. L priesc ie de 400€ per persona (per la majon singula 485€). I posć ie dant resservei ai cumëmbri dl Kvw y da dedò permò ai autri nteressei.

Mostres y Ert
Atualmenter
Mostra su la geologia
La Fondazion Dolomites Unesco, en colaborazion con la Scola Ladina, à endrezà la mostra »Dolomiti: in cammino nella geologia della meravi­glia« da poder veder te l’aula mo­stres del Liceo artistich a Sèn Jan fin ai 27 de november dal lunesc al vender da les 8:30 a les 17:30, prenotazions a la mail thomas.zulian@scuole.provincia.tn.it.
Atualmënter
La lerch danterite
L artist de Urtijëi Hermann Josef Runggaldier mët ora tla Hofburg de Persenon. La mostra ie davierta ntan i orars de giaurida dl museum dla Hofburg de Persenon, uni di dala 10:00 ala 18:30, y ie da udëi nchin ai 15 de nuvëmber.
Atualmënter
La Berstot de Lenert
Dai 19 de setëmber nchin ai prim de nuvëmber iel da udëi tla sala dla mostres dla Cësa di Cugresc a Urtijëi la mostra che se dà ju cun la storia dla berstot dla familia Moroder Lenert y dantaldut cun l’opres di scultëures Rudolf Moroder Lenert (1877–1914) y Ludwig Moroder Mëune (1879–1953).
30.10.
Mostra de Egon Rusina
L Tublà da Nives nvieia ala mostra di ultimi cater zitlus de lëur de Egon Rusina. La giaurida ie n vënderdi ai 30 de utober dala 20.00. La mostra resta davierta nchin ai 29 de nuvëmber, uni di ora dl lunesc dala 15.00 ala 18.00.

Televijion
Atualmënter
Tg Ladin
Orars dl TG ladin menà da Egon Vinatzer: uni merdi dala 19:30 sun Alto Adige Tv, cun repliches uni sada dala 18:15 sun Trentino TV y uni dumënia dala 18:30 sun Alto Adige Tv; repliches nce online.
03.11.
Cult – i sanc e i morc
Dales 20:50 ca. Test y conzet Giu­lia Tasser, produziun Kar­bonvideo, a cura de Ales­san­dro Dapunt.
04.11.
Medejina ora dla natura
Dales 20:50 ca. Test y conzet Ingrid Demetz, produziun Karbonvideo, a cura de Leo Senoner.
05.11.
Scenar – ert y cultura
Dales 20:50 ca. Test conzet Silvia Murer, produziun Kar­bonvideo, a cura de Leo Seno­ner.

Radio
30.10.
»N viac de vita – cun nëus te Gherdëina«
Cun chësta trasmiscion mët man na lingia de ntervistes dedichedes a persones che vën da oradeca y che à abinà si ncësa te Gherdëina. Chëst iede fajons n viac dal Guate­mala nchin te Gherdëina, de­berieda a Marisol Velasquez che viv cun si familia te Sëlva y che à nce mpará a rujené gherdëina. Ëila nes conta de si ravises, de si viac y de coche se anconta doi cultures. Tras­miscion de Monika Kelder.
01.11.
UNISSANT – »La vita ne fina nia via cun la mort«
La festa de Unissant nes fej lecurdé che nosta vita à na scadënza, ma la ne fina nia via cun la mort. Sn. Vijo Pit­scheider fej n valguna cunsci­drazions sun la vita y sun la mort de nëus persones y nes mët a cuer de nuzé la festa de Unissant per se fermé mpue y per pensé do, per cialé ite plu sot te nosta cusciënza jan nce a damandé do l fin de nosta vita. Trasmiscion de Si­mon Moroder.

Chino
Atualmenter
Al chino de Cianacei
Doman, sabeda ai 31 de otober da les 20:30 l é l film horror »Resident evil« e en domenia al prum da les 17:00 l é l film per la families »Paw patrol«.
Atualmenter
Al chino de Pardac
Doman, sabeda 31 de otober da les 21:00 l é »Ragione e sentimento« che vegn moscià ence en domenia al prum de november, sabeda 7 e domenia 8 da les 21:00 l é »Dio Ride«.
Atualmenter
Al chino de Tieser
Insnet, vender 30 de otober da les 21:00 e sabeda 31 da les 18:00 l é »Dio ride«, sabeda 31 da les 16:00, domenia al prum de november da les 17:30 e lunesc 2 da les 17:30 l é »Shaun, Vita da pecora. Operazione Z.U.C.C.A«, sabe­da 31 e domenia al prum da les 21:00 l é »It ends«, jebia ai 5 da les 21:00 per la rassegna ‘Il piacere del cinema’ l é »Ser­penti«, vender 6 da les 21:00 l é »Ragione e senti­mento«.
03.11.
L Muse al chino de Pardac
Per la rassegna ‘Nuovo Cine­ma Dolomiti’ en mèrtesc ai 3 de november da les 21:00 al chino de Pardac l Muse, l Museo geologich de Pardac, porta dant la proiezions che à tout pèrt al Film Festival de Trent dal titol »Krono­schock« de Ignasi López Fà­bregas e »La Cima« de Simone Cargnoni.
06.–27.11
Literachino
Ntan l mëns de nuvëmber vëniel mustrà de biei films per tudësch y talian tla bilblio­teca de San Durich a Urtijëi. L prim apuntamënt ie ai 6 de nuvëmber dala 20:00 y pona inant for de vënderdi dala medema ëura, ai 13, 20 y 27 de nuvëmber. L prugram plu avisa ie da abiné te biblioteca.

Religion
07.11.
San Ciascian: preparaziun dl Bato
La Uniun dles Ëres Catoliches dl decanat Val Badia inviëia i geniturs che á n viadú da batié, pers che aspeta, toc y totes de nosc decanat ala preparaziun dl Bato, en sabeda ai 7 de novëmber dales 15:00 ales 17:00, te salf de calonia a San Ciascian. Al vëgn apro­fondí l’importanza de chësc sacramënt, presenté le ritus y splighé i simboi dl Bato. Prenotaziuns pro Lucia al 334 3200396.

Teater
30. y 31.10.
Teater La Ila: »Fin dl’edema da susc?«
L’Uniun Teater La Ila ves in­viëia a ciaré le teater da rí cun le titul »Fin dl’edema da susc«, che é ciamó da odëi incö vëndres ai 30 de otober dales 20:30 y indoman sabeda ai 31 de otober dales 17:00, tla Ciasa dla Cultura a La Ila. Prenotaziuns (ince por Whats­App) al 352 0949399.
31.10.
Teater per mutons:ans »Allein daheim«
Tla Pitla Sala tla Cësa di Cungresc a Urtijëi saràl ai 31 de utober dala 10:00 n teater cun Herbert y Mimi, adatà a mutons y mutans dai 3 ani insù. La ntreda ie a dunfierta liedia.

Temp Lede
06.11.
Spetacol de Mario Cagol
En vender ai 6 de november da les 20:30 te teater del Ora­torie de Poza l é l spetacol de Mario Cagol »Nonna Nun­zia, Spazio ultima dentiera«. I bi­liec vegn venui da la botei­ghes de sfoes Carpano e Pic­colo Bazar a Poza.
30.10.
Domesdì de Juesc cun la lia Trix
La lia Trix nvieia a n domesdì de juesc da mëisa, n vënderdi ai 30 de utober dala 15:00–17:00 tla biblioteca Tresl Gru­ber a S. Cristina. L sarà da abiné velch per uniun:a!
31.10.
Batadù cun Frieda
Ai 31 de utober mët l KVW Urtijëi a jì n turnoi de batadù tla cësa dla lies de Runcadic. L turnoi scumëncia dala 13:30. N possa se nuté su da Frieda nchin ai 27.10. cherdan su l 338 6663333 o scrijan a bacherfrieda@gmail.com. Priesc: 10 € per cumëmbri, 15 € per nia cumëmbri.
06.11
Storia de 15 menuc
Tla biblioteca de S. Durich a Urtijëi lijerà Margit dant na storia per per mutons, n vënderdi ai 6 de novëmber dala 15:00. Daldò puderà i mutons mo vester criatifs.

Cursc
Uni juebia
Ciaculon deberieda – per ladin
La Union di Ladins de Gher­dëina mët a jì la ancuntedes de »Ciaculon deberieda« per chi che scumëncia y chi che ulëssa miuré si ladin. N se anconta uni juebia dala 18:00 (ora che i dis de festa), tla biblioteca tla Cësa di Ladins a Urtijëi. Unide nce Vo!
10.11.
Curs da cujiné salverjina
Les Patrones dl comun da San Martin y le Consëi de for­maziun da San Martin mët a jí n curs da cujiné salver­ji­-na, cun Hermann Dapoz. Le curs vëgn tigní en mertesc ai 10 de novëmber dales 19:00, tla ciasadafüch dla refeziun a San Martin. Le cost é de 50,00€ a ce. Prenotaziuns anter i 2 de novëmber pro Gaby, al numer 389 0834252.
13.11.
Curs de ultim aiüt a Badia
Le KVW de Badia mët a jí n curs de ultim aiüt, olache an impara da socodí y ti sté dlungia tla dërta manira a porsones che é tl morí. Le curs é en vëndres ai 13 de novëmber dales 13:30 ales 17:30, tl salf dla scora elementara a Badia. Al é por ladin y debann. I posć é limités, s’anunzié damperfora al 0474 586128.

Dotours
Dutor Gherdëina
L dutor de servisc dala 08:00 de n sada ai 31.10. nchin la 08:00 daduman de n lunesc ai 2.11. ie l dutor Valentin Trö­­­binger de Sëlva, tel. 0471 773073 o l 335 6844944.
Doturs Val Badia
Tla fin dl’edema di 31 d’otober y 1. de novëmber, sarál en sor­visc ti cin’ comuns dla Val Badia la doturia Margarete Mahlknecht, La Val, tel. 349 0667034 o 0474 523018.

Apoteches
Apoteca Gherdëina
L’apoteca che ie de servisc ora dl orar urdiner de giaurida, da n vënderdi ai 30.10. nchin n vënderdi ai 6.11. ie chëla de Ciastel, tel. 0471/706323 (orar: lu-ve 8:30-12:00/15:00-19:00. Turnus: sa. 8:30-12:00/ 16:00-19:00, du. 10:00-12:00).
Apoteca Val Badia
L’apoteca en sorvisc tla Val Badia, fora dl orar ordinar, dal vëndres ai 30 d’otober dales 19:00 al vëndres ai 6 de novëmber ales 19:00, é chëra d’Al Plan, tel. 0474 501240.

Referac
03.11.
La Pröma Vera söi confins dl’Alta Badia
Le KVW de Badia inviëia al referat »Pröma Gran Vera 1914-1918 - söi confins dl’Alta Badia«. Le referat vëgn tigní en mertesc ai 3 de novëmber dales 20:00 te salf dla scora elementara a San Linert. Refe­rënt é Roland Rudiferia, la relaziun é por talian.
05.11.
»Ie, l‘ert y la neuroscienza«
Ai 5 de nuvëmber, dala 17.30 - 19.00, saràl na cunferënza online n con’ di »juesc de Gher­­­dëina - n mond n minia­tura«, cun Monica Ferrari y Michaela Sotriffer, te n dia­logh cun Marco Tamanini. La cunferënza vën metuda a ji dal MART de Rovereto. L vel ai fins dl ajurnamënt di maestri. Iscrizions: q.me-qr.com/7g2yivf2.

Sport
31.10.
HC Gherdëina vs. Hockey Unterland Cavaliers
Tl stadio Pranives de Sëlva saràl ai 31 de utober dala 19:30 la partida dl campiunat AHL (Alps Hockey League) danter l HC Gherdëina y l Hockey Unterland Cavaliers.
07.11.
HC Gherdëina vs. KHL Sisak
Tl stadio Pranives de Sëlva saràl ai 7 de nuvëmber dala 19:30 la partida dl campiunat AHL danter l HC Gherdëina y l KHL Sisak.

Avisc
Atualmënter
Ciamena dal guanta Picolin
La Ciamena dal guant da Picolin lascia alsavëi che da sëgn inant pón indô dé jö guant, tres tla medema sënta a Picolin – ti locai dla ex ciasa de palsa. Al vëgn perié che le guant sides net y intier, mo ince te de bones condiziuns. La Ciamena dal guant sará daverta por dé jö guant y por gní a se tó guant vigni jöbia dales 14:00 ales 16:00. Chësc sorvisc é miné por düc y düc é ince bëgnodüs.
Atualmënter
»Ëres dëida Ëres«
L’ofize a Bornech é da ciafé tla str. Paul von Sternbach nr. 6. Al é davert dal lönesc al vëndres dales 8:30 ales 11:30; mercui ince dales 15:00 ales 17:00. Fora de chësc orar, vëgnel tut sö termins sön prenotaziun. Contac: 0474 410303 o info@frauenhelfen frauenbruneck.it
Atualmënter
Iniziativa di ëi de Puster
L’ofize dla MIP–Männer­initiative Pustertal dëida i ëi y peri pro caji de separaziun y pîta aiüt te situaziuns de dificolté. L’ofize é tla str. Dan­te 2m a Bornech (Stern­hof) y é davert lönesc y mercui dales 14:00 ales 19:00, le vën­dres dales 8:00 ales 12:00. Tel: 0474 555848, 340 1896 431 o info@mip-puster tal.it
Atualmenter
Burraco te biblioteca
L Assessorat a la cultura del Comun de Sèn Jan, en colabo­ra­zion con la Biblioteca, en­dreza i domesdì de burraco, ogne jebia da les 15:00 a les 17:00. Vegn domanà de se scri­ver ite al nr de telefon 0462 763062.
06.11.
San Martin: udiënza dla defensuria popolara
La defensuria popolara o so sostitut tëgn udiënza a San Martin de Tor, tl salf di stöda­füch, en vëndres ai 6 de no­vëmber dales 14:00 ales 17:00. Por prenotaziuns cherdé sö le 0471 946020. La ultima udiën­­za dl 2026 é spo ai 6 de novëmber.
07.11.
Radunanza del Grop Ladin
En sabeda ai 7 de november da les 16:00 te sala Simonin Maza de la scoles populères de Moena l Grop Ladin da Moena chiama ite la radu­nanza di sozi. Vegn prejentà l nef liber de poejies del Tinoto Monech ‘Fiores secrec’.
9.–16.11.
Nadel te na scatula dai ciauzei
Nce chëst ann vëniel metù a ji l’azion per ti purté mpue de legrëza a mutons de paejes pueresc. N possa mplenì una o nce plu scatules cun de pitla scincundes, scrijan sun na eticheta sce l ie per n mut o na muta y per ciuna età: 2-4 ani, 5-9 ani o 10-14 ani. I pa­­c­hetli vën tëuc ju dai 9 nchin ai 16 de nuvëmber tla trëi bi­blioteches de Gherdëina. Tla Val Badia puderàn dé ju i pachetli a La Ila pra Flatscher Alma, (Garni Ambria). Fajëde pea de trueps – l fej na gran legrëza!
13.11.
Sëlva: se nuté su per la abineda de refudam gros
Ai 13 de nuvëmber iel udù dant l servisc de abineda de refudam gros n cësa. N possa se lascé nuté su nchin ai 9 de nuvëmber, cherdan su l 0471 112121. L refudam gros mues­sa unì njenià ulache l camion ruva saurì permez y l vën prià bel de vester leprò canche l vën ciarià. Priesc: 1,00€ + 10% CVN al chilo, che unirà metù leprò pra la conta dl refudam dl 2026.