La Usc di Ladins

Da 92 a 83 etares se à smendrà la spersa del giacé de la Marmolèda; i glaciologs stima che dant che sie fora 10 egn del giacé no restarà ne puza ne odor. Chesta no l é na neva, ma la prospetives de regnèda é semper più curtes e zompes; l deslebeament chest an l é stat scialdi più asvelt. Belapontin l front l é jit en do en media de presciapech 23 metres (desche n ciamp da tennis), trei outes de più che chi mesuré l an passà, ‘demò’ 8.

Chisc dac vegn fora da la Campagna Glaciologica Partezipèda endrezèda via en sabeda ai 5 de setember dal Museo de Geografia de l’Università de Pèdua adum col Comitat Glaciologich Talian e ARPAV. Chesta che se à tanche serà su l é stat l’otava edizion, te chela che i enrescidores é stac compagné da na trentina anter escursionisć, sentadins e ensegnanc. L é stat tout su mesurazions scientifiches, de valuta per entener ghenao l empat di cambiaments del clima a livel local.


Podede lejer dut su La Usc stampèda de vender ai 18 de setember da ciapèr te la boteighes de sfoes de la valèdes ladines o tras abonament (info:www.lausc.it/abo o abo e-paper)


 (Nicoletta Riz)