Musical ”Cater da coraje”

Data

18 de agost 2018

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Impresciuns fotografiches dala premiera dl musical te cater lingac, cun mitans y mituns dla Val Badia.
En vëndres ai 17 d’agost él gnü a s’l dé te salf dles manifestaziuns d’Al Plan la premiera de ”Cater da coraje”, n musical te cater lingac (ladin, talian, todësch y inglesc) y n proiet dl Sorvisc ai Jogn Val Badia. Le musical é gnü scrit da Barbara Rottensteiner Comploi, do la storia di fredesc Grimm ”Die Bremer Stadtmusikanten”. Sön paladina 25 mitans y mituns dla Val Badia, da chi che les coordinadësses dl proiet é stades bunes da trá fora de gran cualités y capazités, sides tl cianté che tl jobelné. L’organisaziun y coordinaziun dl proiet é tles mans de Stefanie Kaneider, la direziun musicala é de Sofia Pisching, la rejia y coreografia é de Barbara Rottensteiner Comploi, l’assistënza ala regia de Nadia Gerstl y i costüms y la grafica é de Maria Frenner. Tl musical vëgnel dant cianties conesciüdes di Beatles y de John Lennon, cun adatamënt di tesć y traduziun da pert de André Comploi. Le musical vëgn ciamó presenté ai 18 d’agost dales 15:00 y dales 20:00, sciöche ince la domënia ai 19 d’agost dales 18:00, tres tl salf dles manifestaziuns d’Al Plan. Les prenotaziuns vëgn tutes sö dales 9:00 ales 13:00 al numer 328/5759851. La cherta por adulc costa 12,00€, mituns cina 12 agn paia 7,00€, chi cina 2 agn pó ite debann.

Chiló ves pitunse valgünes impresciuns fotografiches.  (pablo)