La Usc di Ladins

Lauratuere de ceramica
L Circolo–Lia Mostra d’Ert mët a jì n curs de ceramica per de tei che scumëncia, n sada ai 15 de nuvëmber tl Circolo
La dozënta Irina Tavella mu­strerà la tecniches de basa dla laurazion dla ceramica. Te un n di puderàn mparé y realisé na copa y na vasa de mauta che unirà pona cueta. L curs scu­mëncia dala 10:00 y jirà inant – sambën cun de pitla pausses danterite – nchin la 17:00. Dala 13:00 nchin la 14:00 saràl na paussa per la marënda.
Per nfurmazions y iscrizions pòssen cherdé su l 377 5936350. L priesc ie de 90,00 euro, te chël che l ie laite l material, la cueta y nce la marënda.
L Circolo–Lia Mostra d’Ert se ncunforta sun vo.

L tëmp che resta
Co

• 
•  

View the embedded image gallery online at:
https://www.lausc.it/manifestazions-y-evenc/30593-manifestazions-atuales-speziales#sigProId9c0f32ce13

ti jì permez a l’ultima fasa dla vita
L KVW de Urtijëi mët a jì n’ancunteda cun la referënta Dr. Daniela Moroder, psicologa tl ciamp paliatif. L fin ie chël de crië n dialogh per persones de uni età, che uel se giamië ora esperienzes n con’ de chësc argumënt dulënt. N se anconta n mierculdi ai 29 de utober dala 16:00 tl self de Calonia a Urtijëi. L ne n’ie nia debujën de se lascé nuté su!

»Ie, ie n auter«
Ncuei, vënderdi ai 24 de utober dala 18:00, vëniel giaurì tla galaria Vijion a Puntives na mostra coletiva cun fotografies che artisć à fat de sé nstësc
Tant se muda pa la persunalità y l vester dla persona tla vita? A chësta dumanda ulëssa la mostra jì ite plu a puntin. Cun l mond digitel, ie l’identità per­sunela for plu y plu manaceda. La pusciblteies che l internet pieta fej nce unì plu stersc la nvidia y l cun­front, dantaldut sun l’estetica dla persona. Chësc crieia melsegurëza, desturban l’individualità.
Artisć che mët ora: Josef Kostner, Gothard Bonell, Klaus Rungger, David Moroder, Marko Kostner, Christine Runggaldier, Va­leria Stuflesser, Anton Christian, Marlies Baumgartner, Wilhelm Nicolaus Prachensky, Hilde Goldschmidt y Fabrizio Senoner. La mostra resterà da udëi nchin ai 22 de nuvëmber, dal lunesc nchin la sada dala 16:00–19:00.

Osteoporosa – dala diagnosa ala terapia
Chësc é le tema dla sëra de informaziun che vëgn tignda en mercui ai 29 d’otober dales

• 
•  

View the embedded image gallery online at:
https://www.lausc.it/manifestazions-y-evenc/30593-manifestazions-atuales-speziales#sigProId9c0f32ce13

20:00, tl Barjënt dla Ciasa de palsa a San Martin
La referënta dla serada é la dot. med. Elisabeth Pizzi­nini, che spligará sce al é ma les ëres che á osteo­porosa, la rajun porciodí che i osc se rump saurí, che che é al prigo, canche al vá debojëgn da fá vijites y co che an pó evité fratöres di osc. Sambëgn él ince la poscibilité da fá domandes. 
Le referat gnará tigní por todësch. I ves aspetun, en mercui ai 29 d’otober dales 20:00, tl Barjënt dla Ciasa de palsa a San Martin de Tor.

»I scioldi é tla banca«
Chësc é le titul dl teater che la Uniun Teater La Pli porta sön paladina chësc altonn. Premiera ai 2 de novëmber
La Uniun Teater La Pli inviëia bel al teater da rí »I scioldi é tla banca«, metü tl ladin da Franz Rigo. Gustl Clement é n slosser de pro­­fesciun cun la gran pasciun da jí a arobé fora banches. Le de de so 40. compliagn röiel indere, do avëi indô n iade rot sö n tresor, te na situaziun che podess ti roviné süa cariera. Te chësc momënt de prigo dál joramënt da ne rumpí ite, por 40 agn alalungia, te degüna banca y da n’aziché degun tresor, sce al é bun da ti sciampé ala porjun. I s’inviun dër bel da gní a fá testimoni. Jobleri é Tone Palfrader, Sabine Facchini, Magdalena Konrater, Gabriel Stuffer, Alfons Facchini, Paul Ellecosta, Elmar Winkler, Franz Rigo, Alex Daverda y Martin Rigo. La regia é de Anna Palfrader. La premiera cun renfrësch é la domënia ai 2.11. dales 15:00, les atres rapresentaziuns é ai 8.11 dales 20:00, ai 9.11. dales 15:00, ai 14 y 15.11. dales 20:00, te ciasa dles uniuns. Pre­no­taziuns al 338 9316650 o ince Whatsapp (dales 17:00 ales 22:00).

En chësc iade él »Döta colpa de Mona Lisa«
I mëmbri dl’Uniun Teater La Ila jará defata sön palch: »Döta colpa de Mona Lisa« é le toch che sará da odëi danter i 31 d’otober y i 9 de novëmber sön la paladina dla Ciasa de Cultura
L’Uniun Teater La Ila é tl laur da arji­gné ca le teater da rí »Döta colpa de Mona Lisa«. La rejia é de Erika Castlunger, les löms de Luca Pizzinini. Sön paladina él da odëi: Alessandro Bonfanti, Amy Crazzolara, Marco Moscon, Tobias Stampfer, Andreas Peccei, Andy Pizzinini, Roland Pizzi­nini, Sabine Rudiferia y Susann Tavella. Les rapresentaziuns é: vën­dres 31 de otober dales 20:30, domë­nia 2 de novëmber dales 17:00, mer­tesc ai 4, vëndres ai 7, sabeda ai 8 dales 20:30 y domënia 9 de novëmber dales 17:00 tla Ciasa dla Cultura a La Ila. Prenotaziuns: 352 0949399 dales 15:00 ales 19:00.

Jun en Jita y a fá festa por i 60 agn
Chëres y chi dl 1965 é inviá en la sabeda ai 29 de novëmber 2025 al iade a Porsenú y a Maran. Da se tó para él la bona löna
I nasciüs l’ann 1965 de döta la Val Badia! Gnanca da crëie, al é bele passé 60 agn, chisc messunse festejé, porchël fajunse ai 29.11.2025 nosta jita. Nosc program dl de é: iade cina a Porsenú, olache i un söl program la vijita ala Dukawelt cun n bun café, y dedô la zelebraziun dla santa mëssa tl Seminar di proi a Porsenú. Dedô junse inant cina Maran, olache i jun a marëna al »Forst Bräustüberl«. Dedô junse a ti ciaré ala fujina dla Forst y al »Forster Weihnachtswald«.
La serada lasciunse spo jí sciöche ara vá. Porchël: tolesse para la bona löna – la musiga y le devertimënt é garantis! I piun ia dales 6:30 a Calfosch (Cassa Raiffeisen) por nes archité dales 6:35 a Corvara (Hotel Col Alto), dales 6:45 a La Ila (Hotel Ladinia), dales 6:55 a Pedraces (Plaza dan Comun), dales 7:05 a Pidrô, dales 7:00 a Picolin y dales 7:10 a Longega.
Por se scrí ite y confermé la partezipaziun él da paié 130,00 € anter i 10 de novëmber cun motif »Gita Classe 1965«, Cassa Raiffeisen Val Badia: IT 46 O 08010 58340 000400 425036.