Canche Arnold Schuler fova mo assessëur per l turism te nosta Provinzia fòvel stat bon de druché tres n stop ai liec, dessegur nce ajache da truepa pertes unìvel dit che l nen ie assé. Bele te chëi ani cunesciòven la parola »overtourism«.
Per raions turistics y liec bele udui dant òven dit che i pudova mo i frabiché nchin de setëmber de chëst ann. Śën, puec mënsc dan che ruvon a chësta data, àn capì che feter dodescmile liec ne n’ie te chisc ani nia unic fac, per vel’ gauja che ne savon nia. A vel’ un o vel’ auter ti aràl śën sapù sciot pierder l dërt de pudëi mo fé chisc liec y nscila à Walcher metù sun mëisa chësta pruposta de slungë l dërt de mo cin’ ani. L se trata de liec che unissa pona frabichei te raions mo nia tan turistics, ma ulache l mancia la nfrastrutures y l mesun per chëi turisć de fé vel’atività de tëmp liede, cun la cunseguënza che chisc unissa pona ite te Gherdëina o tla Val Badia per jì cun i schi o sa mont.
La paroles de Vinatzer pudëis liejer tla edizion atuela de La Usc di Ladins.
SPM
