La Usc di Ladins

I Chemuns de Gherdëina à fat al savëi che da śën inant vëniel inò abinà adum guant de segonda man. N possa jì a se tò i sac da mëter ite i guanc che n ne n'adrova nia plu ti trëi Chemuns y i costa 2,5 € l un. N possa, coche dant, i dé ju tl Zënter de rezitlaje a Puntives. L vën prià bel de dé ju mé guant, ciauzei y stofs nëc y te na bona cundizion. L guant danejà o scialdi da ledam muessa unì smacà tl refudam de cësa, à fat al savëi i Chemuns.

L ie de velch na bona nutizia, davia che sce n ruvova ultimamënter a Puntives cun n sach de guant, ne pudòven fé auter che l smaché. Bën sciot, dantaldut sce n ova mo truep de bel guant da garat, datrai nianca no adurvà. Ma danterite unìvel y vëniel pa bën dat ju nce guant zarà o melciafià y te chël cajo iel bën da se damandé, féjen pa velch de bon o fóssel pa miec a l smaché dan che l vën menà tres duta Europa?

Elisabeth Kostner

L articul tla edizion atuela de La Usc di Ladins.