La Usc di Ladins

Dotours
Dutor Gherdëina
L dutor de servisc da n sada ai 04.04. dala 08:00 daduman nchin la 08:00 daduman de n lunesc ai 06.04. ie l dutor Simon Kostner de Sëlva, tel. 347 2297492. N Lunesc de Pasca ie l dutor Valentin Trö­binger de Sëlva de servisc, tel. 0471/773073 o l 335 6844944.
L dutor de servisc da n sada ai 11.04. dala 08:00 daduman nchin la 08:00 daduman de n lunesc ai 13.04. ie l dutor Michael Trocker de Urtijëi, streda Promeneda, tel. 388 2580002.
Doturs Val Badia
Le dotur en sorvisc tla Val Badia, tla fin dl’edema lungia dala sabeda ai 4 d’aurí cina en Lönesc de Pasca ai 6 d’aurí, é le dr. Guido Caretta, Cal­fosch, tel. 0471 836870 o 337 616080. Tla fin dl’edema di 11 y 12 d’aurí él en sorvisc la doturia Stefania Febbraro, Al Plan, tel. 377 3288595.

Apoteches
Apoteca Gherdëina
L’apoteca che ie de servisc ora dl orar urdiner de giaurida, da n vënderdi ai 03.04. nchin n vënderdi ai 10.04. ie chëla de Ciastel, tel. 0471/706323 (orar: lu-ve 8.30-12.00/15.00-19.00. Turnus: sa. 8.30-12.00/16.00-19.00, du. 10.00-12.00). Ntan l fin dl’ena dai 17 nchin ai 19 de auril sarà la apoteca de Sëlva de servisc, tel. 0471/795142 o 333 1776615, (davierta dala 8.30–12.30).
Apoteca Val Badia
L’apoteca en sorvisc fora dl orar ordinar, dal vëndres ai 3 de aurí dales 19:00 al vën­dres ai 10 de aurí ales 19:00, é chëra da La Ila, tel. 0471 847152. Tla edema dai 10 ai 17 de aurí él spo en sorvisc l’apoteca da San Martin/Picolin, da ciafé al numer 0474 523020.

Mujiga
04-06.04.
L ‘Lingue Morte’ a La Grenz
Le Lingue Morte ve speta chisc dis per doi bie momenc tel Music Club La Grenz, strada Saslonch 56 a Moena. Doman sabeda ai 4 de oril da les 21:00 tel conzert avert dal tribut al Chum de »I Mae­stres de Schi« e en lunesc ai 6 da les 17:00 (per chi che no se fida jir stroz de not). Entrè­da debant con tessera ARCI.
05.04.
Conzert de la Musega de Tieser
En domenia ai 5 de oril da les 21:00 te teater de Tieser la Musega de Tieser porta dant ‘N conzert da lejer’ en colaborazion con la Filodra­matica de paisc.
05.04.
Beicher da Pèsca col Coro Nosc
En domenia ai 5 de oril da les 6 da doman l Coro Nosc, en colaborazion col Comitat Manifestazion, porta dant l ‘Beicher da Pèsca’ ló da la gejiola de Barbida a Soraga.
05.04.
Cunzert da Pasca – Urchestra de S. Cristina
L’Urchestra de S. Cristina nvieia de cuer a si cunzert da Pasca, n dumënia ai 5 de auril dala 20:30 tla dlieja de S. Cristina. Direzion de Aaron Demez y Erwin Moroder.
11.04.
Conzert de la Musega de Moena
En vender ai 11 de oril da les 21:00 te teater Navalge la Mu­­­sega de Moena, col Mae­ster Roberto Silvagni, porta dant l nef conzert »Folk vs Rock!« con toc te la doi ver­scions.
19.04.
»Kassiansmesse« tl Dom de Persenon
N la dumënia dl »Kassians­sonntag«, ai 19 de auril, cian­terà y sunerà duc i cores de dlieja y urchestra de Gher­dëina, Runcadic, Laion y S.Piere la Santa Mëssa tl Dom de Persenon. L unirà purtà dant la mëssa de Karl Nuss­baumer. L sarà na sëira de mu­jiga suneda cun pec de Schu­bert, Haydn, Bach y autri, cun solisć de Gherdëina dal corn, flaut, vidula, tlarinet, posauna, oboe y erpa.

Cursc
08.04.–27.05.
Curs de pilates per 50+
L KVW de Sëlva mët a jì chësc curs cun Sara Hofer tla pa­lestra tl stadio Pranives de Sëlva basite. N se anconta l prim iede ai 8 de auril dala 20:00–21:00. Daldò saràl mo 7 ancuntedes, for de mierculdi dala medema ëura. Per plu nfurmazions y iscrizions: Lidia Delazer, 340/5170711.
10.04.
Infopoint informatica a San Martin
Le Consëi de formaziun da San Martin mët a jí na consu­lënza personala por vigni eté, sön domandes che reverda l’adoranza dl computer y dl fonin, SPID, e–mail y tan d’ater, cun la referënta Madda­lena Valentini. Vigni vëndres, dai 10 d’aurí ai 29 de ma dales 9:00 ales 11:00, tl salf di cursc dl Istitut Ladin. Al é da se anun­­­zié danfora al numer 347 688 0248.
13.04.
Social media por les uniuns
Le Consëi de formaziun da San Martin inviëia en lönesc ai 13 d’aurí dales 20:00 a na serada cun Alessia Sorá y Cate­rina Crepaz, olache al vëgn splighé co che i social media pó ester d’öga por les uniuns: ara nen vá de promöie evënc, adoré i social te na manira scëmpla y strategica, ez. Infos y iscri­ziuns anter i 8 d’aurí, ala e–mail cf.san martindetor@gmail.com
14.04.
Creativité cun Canva
Le Consëi de formaziun Badia inviëia a n workshop ponsé por de piceres dites, coriusc y nia ma... olache ara nen vá da imparé da lauré cun le program Canva. Le curs é en mertesc ai 14 d’aurí dales 15:00, tl salf dles sentades dla Ciasa dla Cultura a La Ila. Al é da se tó para n laptop. Cost: 25,00€. Iscriziuns anter i 11.04. a cf.badia@rolmail.net
16.04.
L’inteliënza artifiziala
La Cooperativa Pares da La Val organisëia en jöbia ai 16 d’aurí dales 10:00, n curs de impuls sön la inteliënza arti­fiziala, te pice salf de Comun a La Val. Al gnará splighé les fondamëntes dla IA, cun ejëmpli co che an pó l’adoré, poscibilités por les aziëndes ez. Prenotaziuns anter i 13 d’aurí al 338 7304573 o a pare scooperativa@gmail.com – le curs é debann.
17.04.
Fá gherlandes cun ciüfs de peza
Chësc pón imparé tl curs organisé dal Museum Ladin, en vëndres ai 17 d’aurí dales 15:00, tl Museum a San Mar­tin de Tor, ponsé por mituns dala eté dla elementara insö, acompagná da n adult. Max. 20 partezipanc, le curs costa 15,00€ a ce (material lapró). Prenotaziuns al 0474 524020 o a prenotaziuns@museum ladin.it

Mostres y Ert
Atualmenter
Mostra su l’autonomia
Fin ai 9 de oril se pel veder te sala de Consei de Comun de Sèn Jan la mostra »Autono­mia – La volontà del popolo è legge« 1945-1948, i egn de la revendicazion autonomi­stica, con chisc oraries: dal lunesc al vender da les 9:00 a les 12:00 e da les 15:00 a les 17:00, fora che lunesc 6 de oril.
Atualmënter
Deventé crëscer amé
Tla Cësa de Chemun de Laion iel da udëi na mostra de Guido Senoner Tinderla, che resterà da udëi nchin ai 15 de mei, dal lunesc al vënderdi dala 8:00–12:00 y la juebies nce dala 16:00 nchin la 18:30. Duc ie nviei de cuer.
Atualmënter
RETROSPEKTIVE – Klemens Piccolruaz
Tl self dla mostres dla Lia Mo­stra d’Ert iel metù ora lëures de Klemens Piccolruaz, che resterà da udëi nchin ai 11 de auril ntan i orares de giaurida: dal merdi nchin la dumënia, 16:00-19:00 y de sada y dumënia nce danmesdi, 10:00-12:00. De lunesc iel stlut.
Atualmënter
Nadia y Klaus Rungger tla Galerie 90
L dessëni anconta la poejia – tla galeria Galerie 90 a Mühl­­­bach prejënta Klaus Rung­ger dessënies nueves dau­jin a poejies de Nadia Rung­ger. La mostra ie tl se­gondo partimënt dla cësa Wolken­steinerhaus tla streda Katharina Lanz 90 y ie da udëi nchin ai 25.04..
Atualmënter
Ewa Jönsson Hörtnagl – Bergwelten
Tl Tublà da Nives de Sëlva iel metù ora pitures dla artista svedeja Ewa Jönsson Hörtnagl. La mostra resta davierta nchin Pasca, ai 5 d’auril, uni di ora dl lunesc dala 16.00 ala 19.00.
Atualmënter
Mostra «The red boat»
Tl self dla mostres tla Cësa di Cungresc a Urtijëi iel metù ora na mostra coletiva de 18 artisć:tes de Südtirol. L proiet artistich soziel uël sotrissé la respunsabltà dla populazion per sustëni dl’ëiles. La mostra jirà inant nchin ai 6 de auril, 10:30–12:00 y 16:00–18:00.
Atualmënter
Garejedes de schi te Gherdëina
La mostra ie dedicheda ala garejedes de schi che ie states te Gherdëina. La sarà davierta nchin ai 7 de auril, dal lunesc nchin al vënderdi dala 08:00 nchin la 13:00, tl prim parti­mënt dla Cassa Raiffeisen de S. Cristina.
13.04.
Mostra »Bal di Culëures«
Tl Café Surëdl a Urtijëi vëniel metù ora chedri de Lara Kostner, dai 13 de auril inant nchin ai 13 de juni.

Avisc
Uni mierculdi
Ciaculon online – per ladin
La Union di Ladins de Gher­dëina mët a jì »Ciaculon online« per chi che scumëncia y chi che ulëssa miuré si ladin: dai 25 de fauré, uni mierculdi dala 18:00–19:00. Duc possa fé pea, l basta nstalé l prugram »TEAMS« sun l computer y jì ite sot a chësc link: https://url-shortener.me/GIBM
07.04.
Lia di Filatelisć – ancuntedes
La Lia di Filatelisć, numisma­tics y vedla chertes de Gher­dëina se anconta uni prim lunesc dl mëns dala 20:00 tl Bar 2000 a S. Cristina, per s’la ciaculé y fé vel‘ barat. La proscima ancunteda sarà ai 7 de auril.
08-04
Gennaro Giudetti da Gaza
L assessorat a la cultura de Sèn Jan e la Sociazion ‘Liberi da dentro’ endreza 3 sere per vardar daite te la prejons e te noi enstesc. Te Oratorie de Poza da les 20:30, ai 8 de oril Gennaro Giudetti porta dant soa esperienza ti lesc de con­flit. Ai 17 de oril con ‘Aria­ferma’ se rejonarà de la situa­zion te la prejons; ultim apun­­­­ta­ment ai 8 de mé.
09-04
Troes de cultura a Moena
Va inant a Moena la rassegna de la Biblioteca ‘Troes/Sen­tieri’ dedichèda a storia, scri­tura e sozietà. En jebia ai 9 de oril da les 17:00 te Sala Rovisi con Quinto Antonelli curator de »Crescere in mon­tagna dal XIX secolo alla contemporaneità« se rejonarà de migrazions, tradizions, economia de nesc raions anter passà e prejent.
09.04.
Generela dla Lia dl Turism S. Cristina
La Lia dl Turism de S. Cri­stina tenirà si senteda generela tla Gran sala de Chemun de S. Cristina, n juebia ai 9 de auril dala 20:00 inant.
10.04.
Storia de 15 menuc
Tla biblioteca de San Durich a Urtijëi liejerà Ginevra dant na bela storia per mutons:ans, n vënderdi ai 10 de auril dala 15:00.
11.04.
Marcià dl adurvà
L VKE Gherdëina mët a ji nce chëst ann l »Marcià dl adurvà, ma mo da pudëi avëi«, n sada ai 11 de auril dala 09:00 nchin la 12:30, tla Cësa de Chemun a Santa Cristina. La roba da vënder possa unì data ju l di dant dala 17:00 nchin la 21:00. Chi che ulëssa vënder zeche muessa se de­sćiarié la lista aposta che n abina sot a https://url-short ener.me/I4TR y che ie da dé ju dai 7 ai 10 de auril (nchin la 11:00) mandan na mail a info@njg.it.
13.04.
Iscrizions »Instà Vif«
L proiet per l instà Instà Vif, per mutons y mutans dl 2013–2019, vën metù a ji dai Che­muns de Gherdëina deberieda cun lies, dai 22.06. nchin ai 21.08. L orar per uni ena ie da abiné sun l placat. La iscrizions possa unì fates ai 13 de auril dala 20:00 inant tres l link https://forms.gle/ 14keHo1eZZ8Ri2Kh6. o tres QR–code che n abina sun l julantin dat ora.
15.04.
Generela dl Cunsëi Furmazion de Sëlva
L Cunsëi Furmazion de Sëlva tenirà si senteda generela tl Istitut Ladin Micurà de Rü te Sëlva, n mierculdi ai 15 de auril dala 20:00 inant.
16.04.
»Diggy-Treff« ancuntedes digiteles
Ëis’a dumandes n con’ de co fé dumanda per l SPID, de co desćiarie na app o n refert de n labor? Ëis’a deficulteies cun prugrams o cun la nstala­zion de na software? Tulëde pea vosc njins tecnics y unide tla biblioteca de Sëlva. N jue­bia ai 16 de auril dala 18:00–21:00 sarà l espert Werner Messner iló a ve judé. L servisc unirà pità nce ai 23. y 30.04 y ai 07., 14., 21.05. L servisc ie debant.
16.04.
Scontrèda con Beppino Englaro
En jebia ai 16 de oril da les 20:00 te teater de Tieser vegn en­drezà na scontrèda con Beppino Englaro su ‘l’autoder­minazion de la persona uma­na’, moderadora Francesca Merz.

Referac
08.04.
La storia de na mprëndidëura iraniana
N mierculdi ai 8 de auril dala 20:00 nvieia la biblioteca de San Durich a Urtijëi a na sëira cun Shirin Persia che prejënta n pruiet de marcià rëidl y solidal danter Iran y Italia. La sëira vën metuda a jì n cunlaurazion cun la Bu­tëiga dl Mond Gherdëina.
10.04.
Tomades, no dilan!
Le Consëi de formaziun d’Al Plan inviëia en vëndres ai 10 d’aurí dales 14:30 ales 16:30 te salf dles manifestaziuns a Al Plan, por n referat cun Ma­ria Maggiori y Karin Ta­vella, olache ara nen vá dla prevenziun dles tomades por la jënt de tëmp.
10.04.
Maximilian cunta süa storia
En vëndres ai 10 d’aurí dales 20:00 él tl pice salf de Comun a La Val na incuntada cun Maxi­milian Huber da San Laurënz, che á albü n gran inzidënt. Al cunta co che al á superé l’inzidënt, por se mëte spo por so cunt sciöche alenadú. Organisaziun: Jogn La Val y Consëi de formaziun La Val.
13.04.
Ingianades online
Le KVW da La Val inviëia en lönesc ai 13 d’aurí dales 20:00 a n referat cun l’avocat Paul Maieron, olache ara nen vá de ingianades online, de trapolades tl tëmp modern. An s’incunta te salf dles ma­nifestaziuns da La Val.
15.04.
Mental load
Le Consëi de formaziun da Corvara inviëia a n referat cun Paul Felix Rigo, dal titul »Mental load«, en mercui ai 15 d’aurí dales 20:00, te salf dles manifestaziuns da Cor­vara. Ara nen vá dl pëis di tröc pinsiers tla vita da vigni­dé, y de consëis sön co che an pó ciafé plü alisiraziun.
16.04
Serada por geniturs cun siur Tone Fiung
»Sce i s’orun bun desco copia, spo se stá i mituns saurí«, é le titul dla serada y incuntada cun siur Tone Fiung en jöbia ai 16 de aurí 2026 dales 19:30 a La Pli te Ciasa dles Uniuns. L’ingres é debann.
17.04.
Mi lëgn genealogich
Le Consëi de formaziun da La Val inviëia a na serada ola­che an ciafa informaziuns por inrescí do i antenac y cherié n lëgn genealogich. Al vëgn tigní en vëndres ai 17 d’aurí dales 20:00, te pice salf de Comun a La Val. Referënta é Giuliana Clara.

Temp Lede
01.04.–06.04,
Gherdëina Winter Finals
Dai 1. nchin ai 6 de auril saràl te Sëlva deplù festes per finé via la sajon da d’inviern: ai 3.04. saràl da audì Medun & Kevin Brook sun Piz Setëur, dala 13:00–17:00. Ai 4.04. dajeràl lianies blances sal Salei.
04.04.
Gara dl paisc a Calfosch
I Stüdafüch da Calfosch y la Scora de Schi da Calfosch inviëia la jënt dl paisc ala 39. »Gara de schi de chi da Cal­fosch«, en doman sabeda ai 4 d’aurí. La gara vëgn tigni­da dales 9:30 inant. Les iscriziuns vëgn tutes sö cina ai 3 d’aurí, tla sënta dla Scora de schi, al prisc de 21,00€ a ce. Al vëgn recordé che an mëss avëi le casco.
05. – 06.04.
The Ski Carousel Vintage Party
La sajun tl’Alta Badia vëgn stlüta jö cun la »The Ski Ca­rousel Vintage Party«, ai 5 y 6 d’aurí; sides tl raiun dai schi, sciöche ince la domënia sëra tl zënter da La Ila, olache la strada vëgn stlüta dales 18:00 ales 24:00. Le lönesc dales 10:00 inant sarál la gara de schi vintage sön la pista »La Para«. Infos sön www.altabadia.org
10.04.
Batadú te Ciasa de palsa
La Uniun di Seniors da San Martin y la Ciasa de Palsa mët a jí n batadú davert a düc, en vëndres ai 10 d’aurí dales 14:00 inant. I pers pó se scrí ite al 0474 524700, anter i 9 d’aurí. Le cost é de 20,00€ a porsona, che é da paié ite sön le post. Düc é bel inviá y al s’aspeta de bi pesć.
Mëns de auril
Café dla rujenedes: nglëisc
Ntan l Café dla rujenedes tla biblioteca de San Durich a Urtijëi uniràl rujenà nglëisc uni mierculdi dl mëns, ai 8, 15, 22 y 29 de auril, for dala 09:30. Na cunescënza de basa dla rujeneda ie bënududa.

Segres y Festes
04.04.
Festa dla Loches
L Freeride Club Gherdëina mët a jì la festa dla loches sun Plan de Gralba pra l lift Pudra, ai 4 de auril dala 11:00 inant. L dajerà coche for da maië y da bever y sambën ne man­ceràl nia de bela mujiga.

Religion
20.05. – 25.05.
Pelegrinaje a Medjugorje
Dai 20 ai 25 de ma 2026 vëgnel organisé n pelegrinaje al santuar de Medjugorje. Por prenotaziuns pón cherdé sö Daniele Agostini al 335 526 8546 o Patrizia Agostini al 347 7537887.

Chino
Atualmenter
Al chino de Cianacei
En domenia ai 5 de oril da les 18:00 l é »Super Mario Galaxy« n film per families, en vender ai 10 da les 21:00 l é »Scream 7« e en domenia ai 12 da les 18:00 l é endò »Super Mario Galaxy«.
Atualmenter
Al chino de Pardac
Insnet, vender 3 de oril da les 21:00 l é »L’invisibile filo rosso« con intervent del regist, sabeda 4 de oril da les 21:00 l é »Super Mario Galaxy« che vegn moscià ence domenia 5 da les 17:00 enveze da les 21:00 l é »Drama«, lunesc 6 da les 17:00 l é »Super Mario Galaxy« che vegn dat ence sabeda 11 e domenia 12, mer­col 8 da les 21:00 l é »Drama«.
Atualmenter
Al chino de Tieser
Insnet, vender 3 de oril da les 21:00 en 3D e sabeda 4 da les 17:15 en 2D l é »Super Mario Galaxy«, sabeda 4 da les 21:00 l é »Idoli-Fino all’ultima corsa«, domenia 5 da les 17:00 l é »Jumpers, un salto tra gli animali« a 5 euro, lunesc 6 da les 15:15 en 3D e da les 17:45 en 2D l é »Super Mario Galaxy«, jebia 9 per la rassegna ‘Il piacere del cinema’ da les 21:00 l é »L’agente segreto«.
10.–24.04
Literachino
Ntan l mëns de auril, for de vënderdi dala 20:00, vëniel mu­strà de biei films tla biblio­teca de San Durich a Urtijëi. L prim apuntamënt ie n vën­derdi ai 10 de auril (y pona inò ai 17 y ai 24 de auril). L prugram plu avisa ie da abiné te biblioteca.

Televijion
Atualmënter
Tg Ladin
Orares dl TG ladin menà da Egon Vinatzer: uni merdi dala 19:30 sun Alto Adige Tv, cun repliches uni sada dala 18:15 sun Trentino TV y uni dumënia dala 18:30 sun Alto Adige Tv; repliches nce online.
07.04.
Eie e speie – Endesfides per stravardèr l’ambient
Dales 20:50. Test y regia Cin­zia Pistoia, produziun Penn­pro, a cura de Alessandro Da­punt.
08.04.
Deboriada
Dales 20:50 ca. Test y regia Ivan Senoner, produziun Pen­npro, a cura de Leo Senoner.
09.04.
Nosta scola
Dales 20:50 ca. Test y regia Lena Mulser, produziun Kar­bonvideo, a cura de Ales­sandro Dapunt.

Radio
03.04.
Gardenissima 2026
Do che n ova messù desdì la Südtirol Gardenissima de l’ann passà an chëst’ann inò pudù la fé. Dut ntëur ala butà, la urganisazion, l purtoi cun cundizions de nëif che à tenì nchin al ultim concurënt y l tëmp che fova dut l di sarëinn. Da audì iel deplù testemu­nianzes da pert de urganisa­dëures y atlec dan, ntan y do la garejeda. Trasmiscion de Alex Runggaldier.

Leteratura
09.04.
Liber »Nosta spëisa«
En jöbia ai 9 d’aurí dales 18:00, vëgnel presenté tl Mu­se­um Ladin Ciastel de Tor le liber »Nosta spëisa«, de Anne­liese Paratoni. Ara se trata de n liber da cujiné che contëgn rezetes de dötes les valades ladines, cun foto­grafies, fates da Alexander Demetz söl lüch de Paratoni a Santa Cristina y söl lüch d’Alfarëi a Badia. Le liber é scrit por gherdëna, talian, todësch y inglesc.

Sozial
Atualmenter
Portel de scout mediazion familia
L Comun General de Fascia con ALFID Onlus avert n portel de scout, orientament e mediazion familiara per la relazions te c‑sa. L avert a duc e debant a S‑n Jan te Stra­­­da di Pr de Lejia 12 su apun­tament tras l secretariat ALFID (0461 235008 – 375 8366271) duc i dis con orarie 8:30-12:30 e 14:00-18:00 o teras mail a sportellocgf.alfid@gmail.com.
Atualmënter
»Club Boé«
Le grup de autoaiüt »Club Boé« por problems de alcol o d’atres dependënzes s’incunta vigni mertesc dales 20:00, tla Ciasa di Stüdafüch a La Ila altaite. Les porsones de referi­mënt é Hubert (tel. 339 169 8343) y Methilde (tel. 335 6977604).
Atualmënter
Family Support
L servisc Family Support pieta sustëni ala families jëu­nes. Tl prim ann de vita dl:a pop:a pòssen se damandé n aiut da pert dla ulenteres, che vën a cësa per n val­gun’ëura al’ena a fé vel’ stroz, cialé di mutons:ans o judé ulache l ie debujën. L servisc ie debant y duc possa s’l da­mandé. Per nfurmazions pòssen scrì a gherdeina@family-support.it
Atualmënter
Lia de sustëni tl duel y crisa
Lia de sustëni tl duel y crisa ti juda ala persona nstëssa y la families te situazions de duel. L vën damandà na cuota anuela de 50 euro. Per nfur­mazions de sustëni pòssen tò su cuntat cun: Trauer- & Krisen­netzwerk Südtirol VFG–info@trauernetzwerk-suedtirol.com, 379 1170488.
Atualmënter
Majon dal guant a Urtijëi
La Majon dal guant a Urtijëi (tl frabicat dla vedla Cësa de Paussa), tol ju y dà inant per na pitla dunfierta guant y ciauzei ma nce chëutres, ziehes da liet y cultrines tenii drët bën. Orars: merdi, 8:30–10:30, juebia, 14:00–16:00.
Uni merdi
Marënda per i:la sëura 60
La Lia Sarëinn nvieia duta la jënt sëura i 60 ani a se nuzé de chësc servisc che vën pità uni merdi dala 12:00 (Urtijëi Cësa de Cultura; S. Cristina Cësa de Chemun; Sëlva Stua di Seniores). L ie da se lascé nuté su nchin al di dant da mesdì, cherdan su: per Urtijëi l 3207234396 (Vinzenz), per S. Cristina l 333 1499949, per Sëlva l 335 6558633.
Uni vënderdi
Mëisa dala spëisa
La Lia San Vinzënt de Urtijëi mët a jì uni vënderdi dala 10:00 danmesdì te calonia de Urtijëi basite na mëisa dala spëisa, ulache l vën partì ora roba da maië a chi che à de bujën (che à la residënza a Urtijëi).
05.04.
Azion da Pasca
La dumënia de Pasca, dan la gran Santa Mëssa, vëniel dat ora dan dlieja cësć cun ueves ntënc y na fuiacia. La dun­fierta ti jirà a na familia che à de bujën. Per ntënjer i ueves y njenië ca i cësć se anconten n mierculdi, ai 1. de auril dala 20:00 te Calonia basite. Duc i ulenteres, granc y pitli, ie nviei a unì a judé.
15.04.
Scontrèdes de auto mutuo aiut
La sociazion Rencureme de Fascia e Fiem endreza scon­trèdes de auto mutuo aiut per chi che à te cèsa parenc con problemes de memoria e deca­diment cognitif. Quarta scon­trèda en mercol ai 15 de oril da les 20:00 te Ciasa de Noscia Jent a Poza.