La Usc di Ladins

Seziun nöia por i 15 agn
Ai 5 de jügn vëgnel fat festa por i 15 agn dl Museum Ladin Ursus ladinicus da San Ciascian, cun na iniziativa speziala
Le highlight dla festa sará l’inau­daziun de na seziun nöia. Tl zënter él dui reperc spetacolars gnüs a löm tla Val Badia. Por le momënt ne vëgnel nia dit de ci ch’ara se trata. I ogec romagnará ascognüs cina ala inaudaziun y sará da odëi ma canche ai gnará descuris. 
Na cossa é sigüda: ara ne se trata nia de reperc da vigni de. Ai nes condüj cotan zoruch tla storia te nosc paesaje y süa importanza arjunj bëgn cotan sura la Val Badia fora. Dedô inviëia le Museum a n renfrësch cun l’acompagnamënt musical de Pippi’s Friends. A s’odëi en vëndres, ai 5 de jügn dales 17:00 inant, tl Museum Ladin Ursus la­dinicus San Ciascian.

Mostra »WIESO NICHT«
L Circolo – lia mostra d’Ert à l plajëi de nvië ala mostra de Arnold Holzknecht y Mirijam Heiler. La giaurida ie n vënderdi ai 5 de juni dala 18:00 tl self dla mostres. Ntroduzion: Eva von Ingram Harpf
I lëures metui ora nasc da n pruzes de variazion, repetizion y spustamënc minimai. 
Si pratica artistica se muev danter na stru­tura tlera y muvimënc organics y ie lieda al’ert cuncreta y minimalista. L scumenciamënt dl lëur ie n at de reduzion furmela, che ne va nia ntenduda sciche unì puere, ma coche na cunzentrazion uluda...
La doi posizions artistiches ruva adum tl sperimënt de ti jì permez ala cumplessità dl prejënt cun l chiet – tres la reduzion, l’atenzion y na pratica che ne pertënd nia la gaiurida, ma la rënd puscibla.
La mostra resterà da udëi nchin ai 28 de juni, dal merdi nchin la dumënia dala 16:00 nchin la 19:00 y de sada y dumënia nce dan­mesdì, 10:00–12:00.

Giaurida dla »Bienela Gherdëina«
La giaurida dla Bienela Gherdëina sarà n sada ai 30 de mei dala 10:00 inant tl self »Luis Trenker« tla Cësa di Cungresc a Urtijëi
La giaurida scumëncia cun n benunì y na prejentazion istitu­zionela. Daldò uniràl fat na raida dla opres, meneda dal cu­radëur. Dala 13:00 saràl sun plaza de Sant Antone na ntervenzion culinera metuda a jì dal’artista Sandra Knecht y dal artist Leo­nardo Bürgi Tenorio. 
Dala 15:00 va l prugram inant a S. Cristina, cun na raida me­neda acumpanieda dala perfor­mance Applied Honey Proverbs de Ana Prvački. N saut folclo­ristich tl mond di proverbs da dlonch caprò. La jirà inant cun na jita sa Pilat, ulache la sëira y finerà via cun na festa cun mujiga che jirà inant nchin la 21:30. La opres y nstalazions resterà da udëi nchin ai 13.09..