I bec de la scolines e de la populères de Fascia l é stat i protagonisć del laboratorie creatif endrezà en vender ai 6 de mé te Museo Ladin de Fascia. N domesdì de legreza che à abù na gran partezipazion de bec che, con si genitores, se à dat ju a interpretèr i valores de la cultura ladina, de nosc teritorie e de nosc lengaz, belapontin i argomenc de l’Aisciuda Ladina.
I bec é stac envié dant te Museo olache te sala Heilmann ge é stat metù a la leta papieres, lapijes da color, cola, lèna, drap e autra sort de materiai. Te mez l era na gran M, l nef logo del Istitut Cultural Ladin e ge é stat domanà de l interpretèr e de l dessegnèr coche ge saea più bel. Ogneun podea fèr doi dessegnes, un da se portèr a cèsa e l auter da lascèr te Museo o te Istitut per vegnir tacà fora.
La diretora del Istitut Cultural Ladin Sabrina Rasom, la presidenta Lara Battisti e l Procurador del Comun General de Fascia Bepe Detomas ge à sport l benvegnù te la majon de la cultura e ge à rejonà a na vida n muie sorida ai bec per i fèr sentir desche a cèsa.
De più su La Usc stampèda de vender ai 13 de mé. (Monica Cigolla)
Aisciuda Ladina: i bec protagonisć te la majon de la cultura ladina
Te Museo e Istitut Ladin l é stat endrezà n laboratorie creatif per fèr ge cognoscer ai più picoi la sentes e l nef logo de la istituzion.
Galaria retrac
View the embedded image gallery online at:
https://www.lausc.it/spezial/19594-aisciuda-ladina-i-bec-protagonisc-te-la-majon-de-la-cultura-ladina#sigProId80e4a145cd
https://www.lausc.it/spezial/19594-aisciuda-ladina-i-bec-protagonisc-te-la-majon-de-la-cultura-ladina#sigProId80e4a145cd