La Usc di Ladins

Pudessais’a ve prejenté n curt?
Son Mark Vinatzer de Urtijëi, son nasciù tl 1984, é fat la scoles a Urtijëi y pona sons jit ala scola sportiva a Mals, ajache jive cun i schi. Cun 19 ani éi lascià, ajache ne son nia stat bon de ruvé inant. Fovi per cater, cin’ ani tla scuadra dl Cumité de Sudtirol, te chëla che la me ova, dantaldut ntëur dai 15 nchin ai 17 ani drët butà. Fove nce deventà campion talian de slalom, ma pona ne fòvel nia plu drë’ saurì a ruvé inant. É doi mutons de 13 y 9 ani, nce ei ie drët sportifs.

Cie ëis’a fat do che ëis lascià tl schi club?
É fat l ejam da maester de schi y é nce fat l trainer di mutons dl Schi Club Gherdëina, ulache ove danter l auter l plajëi de pudëi lauré cun Alex Vinatzer y Teresa Runggaldier, che ie śën te Copa dl Mond. L muessa vester che é fat n miëur lëur coche trainer che no coche atlet (s’la rij, ndr.). Dl 2010 éi nce scumencià a jì cun la roda, é fat l ejam de bike­guide y al mumënt sons nce tl cunsëi di mëinaroda de dut Sud­tirol. Dan n valgun ani ei pona nce giaurì na butëiga dala rodes deberieda cun mi cumpani Raffael Senoner. (SPM)

De plu tla edizion stampeda de La Usc di Ladins o sun l e-paper a paiament www.lausc.it/e-paper