La Usc di Ladins

Fora per l uton con n grop de zirca vint joegn de Fascia anter i 15 e i 20 egn aon tout part al projet Ecomuseo Ladin, portà dant da la Coprativa soziala Inout en colaborazion col Istitut Cultural Ladin e col sostegn del Pian di joegn de la Risola. L projet l aea desche obietif chel de ne far cognoscer miec nosc teritorie, noscia cultura ladina e de far su ponc con autre realtà olache vegn rejonà lengac de mendranza.
Tel meis de otober nosc grop l à abù l met de cognoscer n Ecomuseo de nonzech del Trentin, chel de la Judicaria, che laora anter l Bleggio e l lach de Garda. Soraldut endana na full immersion de doi dis anter Rango, Tenno e Comano Terme aon tacà a veder che che fasc n Ecomuseo e l valor che na istituzion de chesta sort la pel aer per la comunanza e per la valorisazion del patrimonie cultural e ambiental de n teritorie.

Se pel lejer dut su La Usc nr 47 dai 5 de dezember, che se pel troèr ence te la boteighes de sfoes. Sul sit se per fèr l abonament al e-paper per aer azes vigni vender a dut l sfoi sul fonin, tablet o computer.



 (Giada Riganti)