La Usc di Ladins

A Cianacei en domenia ai 18 de jené l é stat l prum apuntament de Après-Kino, na neva scomenzadiva che l grop de joegn de la sociazion Kino con Lorenzo Dezulian, che dal an passà à tout en gestion l chino de Cianacei, à metù a jir per viventèr l paisc e la val e didèr a fèr cultura e comunanza. No l é stat la gran sala per la proiezions, ma l’entrèda del chino chest’outa a doventèr n lech adatà per se confrontèr a na vida informala e sćiantiva per gropes de persones manco gregn, che posse se la ciacolèr te na sort de aperitif cultural.

Protagonisć de chesta scontrèda i dessegnadores de comics Manuel Riz, Lucia Biagi e Enrico Macchiavello, che ensema con l editor Riccardo Zanini e con la giornalista Elisa Salvi i à portà dant n bel projet. Contèr Fascia travers i comics, chesta l’idea che nosc dessegnador Manuel ge à portà dant a l’ApT: na idea nasciuda aldò del lurier che à empegnà Riz ti ultimes egn e che à portà desche fruc l liber ‘Pendio Bianco’.

Podede lejer dut su La Usc dai 23 de jené da ciapèr te la boteighes de sfoes de la valèdes ladines o tras abonament (info:www.lausc.it/abo o abo e-paper)


 (Lucia Gross)