La Usc di Ladins

»Ecuiliber« – ativités anter sport, natöra y bëgnester
L’iniziativa che vëgn metüda a jí tl’Alta Badia dai 4 ai 6 de forá pita deplü ativités amesa la natöra, liades ala sanité y ince cun personaji conesciüs sciöche l’alpinist Hervé Barmasse
La manifestaziun »Ecuiliber« mët man en mercui ai 4 de forá dales 10:30 cun na le­ziun de yoga y paslunch pro le zënter de paslunch a San Ciascian. Le de do ai 5 de forá pón tó pert a na escur­jiun cun les pels adöm al al­pinist Hervé Barmasse y na guida alpina dl post. Chësta vëgn tignida da do­man y an pëia ia dal Val­parola cina ai pra »Kammer­wiesen«, por rové jö al Sciaré, olache an ciafa val’ da mangé. Dales 17:30 sarál Barmasse che cunta de sües esperiënzes te na presen­taziun tl salf dles manife­staziuns a Corvara. L’incun­tada sará por talian. 
L’inizia­tiva »Ecuiliber« se stlüj jö ai 6 de forá dales 9:00 danmisdé cun na in­troduziun al’arpizada sön la dlacia al Sas Dlacia. 
Por tó pert a un di apun­tamënc, adinfora dla pre­sentaziun de Barmasse che é daverta a düc, mësson se scrí ite ti ofizi turistics dl’Alta Badia.

La sëra dl’era
Le Consëi de formaziun Badia inviëia a na sëra de bëgnsté por les ëres, en lönesc ai 2 de forá dales 20:00, tl salf panoramich dla Ciasa dla Cultura a La Ila
Co foss pa le monn zënza les ëres? Indespensables tla famila, tl laur, tla sozieté. Mo tan gonot mëss pa les ëres tó sö plü perts y se desmentié de so bëgn­ester y de süa feminilité?
Chësta sëra é n invit a ciafé na lerch y n pü’ de tëmp por te instëssa: n momënt dediché ala comunité dles ëres, ala feminilité y al bëgnester dla ëra. Al te aspeta pratiches saurides y de regeneraziun, sciöche eserzizi yoga y de relassamënt, massaji y automassaji, mo ince bal, liberté de movimënt y riüdes. Vistete val da sté saurí (sce t’os na gonela), tolete cun te na boza d’ega, n tepih da yoga y sce t’os na cutra y n plomac. Referënta é Milinda.

Carlascé ladin y tradiziuns
Le Museum Ladin a San Martin inviëia al pröm apuntamënt dl 2026 cun n atelier creatif da pastelné por mitans y mituns dai 8 agn insö
Adöm cun Andrea Dorigatti pastelnunse mascheres da carlascé y imparun da conësce les particularités dl Carlascé do la tradiziun de Fascia. Tratan l’atelier podará mitans y mituns dai 8 agn insö modelé de pici modí de »faceres« d’arjila, avisa sciöche i zipladus fej sciöche stüde denant co mëte man da lauré fora na maschera de lëgn. 
Chësc atelier é na colaboraziun cun l’Uniun Ladins Val Badia. L’atelier creatif da pastelné sará ai 4 de forá 2026, dales 15:00 ales 18:00, le prisc de par­tezipaziun é de 5,00 €, al vëgn tut sö al plü 12 partezipaziuns. Prenotaziun por telefon al 0474 524020, cun e-mail a prenotaziuns@museumladin.it

Brundibàr a Navalge
‘Le Muse e le Dolomiti’ porta dant l’opera lirica en domenia al prum de firé da les 17:30 a Moena
La Scola Interregionèla de ciantia e teater ‘Le Muse e le Dolomiti’, con sia Presidenta e Maestra Oda Zoe Hochscheid, porta dant l’opera lirica per oujes biences, de joegn e strumenc dal titol Brundibàr, scrita da Hans Krasa del 1938. 
En ocajion de la Giornèda de la Memoria l spetacol é stat portà dant a 600 scolees e studenc con gran suzes. En domenia al prum de firé la raprejentazion é averta a duc, da les 17:30 te teater de Navalge. Dantfora vegn moscià n curt docufilm che spiega l contest storich e na video-testimonianza de Ela Stein Weissber­ger, una de la bezes che à tout pèrt a la rapre­jentazion originèla, apede l é ence na dedica spezièla de Liliana Segre.
L event é per n publich sora i 8 egn. 
Per info: www.musedolomiti.it.

Janoska Ensemble
I Jëuni de Mujiga Gherdëina nvieia al cunzert dl Janoska Ensemble n juebia ai 5 de fauré dala 20:00 tla Cësa di Cungresc a Urtijëi
L Janoska Ensemble prejënta si cuarto CD dat ora dal »Deustche Gramhophon«, per festejé i 300 ani de Antonio Vivaldi tl »stil Ja­noska« che fej da puent danter l’ert dl m­pruvisazion da ntlëuta y l ritm y l’armunia de nosc tëmps. Uniun di cater musizisć lëura ora si sajon te un n singul muvimënt, lian la sajon crissa ora a si strumënt. La »Cater Sajons« de Vivaldi se lieia nscì cun l stil Janoska, che auza a n livel artistich scialdi aut pec cunesciui, i tras­furman te zeche de nuef y mpò afin.
Sun l prugram dla sëira iel nce »Oblivion« dl cumposidëur argentin Astor Piazzolla y »Rojotango« de Pablo Ziegler.
Ondrej Janoska y Roman Janoska sona l violin, František Janoska l tlavir y Julius Darvas l contrabas.

Scuvrì la mostra »Dal lën al juech«
L Museum Gherdëina nvieia de cuer a scuvierjer deberieda cun i nëinesc la mostra nueva
L mond se muda y l ie bel a pudëi s’la cunté l un cun l auter. N sada ai 7 de fauré dala 10:00 nchin la 11:30 nvieia l Museum Gherdëina cun legrëza nëinesc y nepoc a scuvierjer deberieda la magia di juesc da ntlëuta y d’al di­dancuei.
I posć ie limitei, perchël iel de­bujën de se nuté su cherdan su l 0471 797554 o scrijan a info@museumgherdeina.it.

Alpaca y ert: na mostra de solidarità per l Perù
La grupa Gherdëina per l Perù nvieia de cuer a na mostra de opres fates a man tla miscions dl Perù per n fin de bën. L’esposizion atuela jirà inant nchin ai 9 de fauré tla Lia Mostra d’Ert a Urtijëi
Tla berstots dl’Operazione Mato Grosso possa l’ëiles mparé a fé cosses de lana d’alpaca da na gran cualità, coche sbetri, guanc, manëces, cazines y nsci inant. Do avëi fat la scola pòsseles viver inant de chësc ert, sustenian si families y ne messan nia migré nzaul d’auter per sëuraviver.
N valgunes de chësta cosses fates a man ie metudes ora tl Circolo Lia Mostra d’Ert nchin ai 9 de fauré. 
Orar de giaurida: 09:30–12:00 y 15:00–19:00, de vënderdì y sada nce dala 20:00 ala 22:00.
Cumpran un di prudoc tla mostra, fac cun gran amor, prufescionalità y mpëni, saràl mesun ti dé n sustëni cuncret a chësta families, acioche les posse se costruì n miëur daunì.

Mostra coletiva dl’EPL
Vernissaja cun musiga indoman sabeda ai 31 de jená 2026, dales 17:00, tl Studio Zona a Pedraces/Badia
L’uniun EPL-Ert por i Ladins ODV inviëia ala mostra coletiva dles arti­stes y di artisć dl’EPL indoman sabeda ai 31 de jená 2026, dales 17:00 inant, tl Studio Zona (raiun artejanal a Pedra­ces) cun salüc ofiziai, introduziun ala mostra y musiga dl dj Marco-O. Dötes y düc é invia!
La mostra sará daverta dal 1 de forá al 15 de forá 2026, dales 15:00 ales 18:00.

Deventé crëscer amé
Tla Cësa de Chemun de Laion iel da udëi na mostra de Guido Senoner Tinderla. La scumenciadiva »Kunst im Gang[e]« nvieia ala giaurida n juebia ai 5 de fauré, dala 18:30
L unì al mond di nepoc à fat nascer tl artist sentimënc nueves soc. Udëi crëscer na vita nueva mplenësc l cuer cun recunescënza y amor. Deventé nëine ie autramënter che avëi mutons. L ie plu dalonc y mpò defin daujin y for sot tl cuer. N possa i amiré y se fé marueia uni di.
La mostra resterà da udëi nchin ai 15 de mei, dal lunesc al vënderdi dala 8:00–12:00 y la juebies nce dala 16:00 nchin la 18:30. 
Duc ie nviei de cuer.