La Usc di Ladins

Dotours
Dutor Gherdëina
L dutor de servisc da n sada ai 31.01. dala 08:00 daduman nchin la 08:00 daduman de n lunesc ai 02.02. ie la dutu­rëssa Janine Santifaller, che ie da urté tl ambulature dla dr.ssa Cordula Weber a Urti­jëi, streda Trebinger 10, tel. 377/3132223.
Doturs Val Badia
Tla fin dl’edema dl 31 de jená y 1. de forá él en sorvisc ti co­­­muns de Mareo y San Mar­tin le dotur Eduard Agreiter, San Martin de Tor, tel. 0474 523315 o 333 1380852. Ti co­­muns de Corvara, Badia y La Val él en sorvisc le dotur Alberto Caretta, Badia, tel. 0471 839706 o 380 3161999.

Apoteches
Apoteca Gherdëina
L’apoteca che ie de servisc ora dl orar urdiner de giaurida, da n vënderdi ai 30.01. nchin n vënderdi ai 06.02. ie chëla de Urtijëi, tel. 0471/796125 (orar de giaurida 9.00-12.00/15.00-19.00).
Apoteca Val Badia
L’apoteca en sorvisc fora dl orar ordinar, dal vëndres ai 30 de jená dales 19:00 al vën­dres ai 6 de forá ales 19:00, é chëra da Corvara, tel. 0471 830237.

Mostres y Ert
Atualmenter
Mostra sul schi de Manuel Riz
Te Museo Ladin de Fascia se pel veder na esposizion de ojec e de taoles del arist Manuel Riz e se pel ence comprèr la neva graphic novel dal titol »Il pendio bianco. Storia sociale dello sci«.
Atualmënter
»Dal lën al juech – Sevi ora per l mond«
L Museum Gherdëina nvieia a unì a ti cialé ala mostra nueva tl Museum, per scu­vierjer la storia faszinënta dla Sevi, firma che à fat juesc de lën dal 1831 nchin al 1998 y che ie stata de gran mpurtanza per la vita de truepa families de Gherdëina. Orar: dal lunesc al vënderdi dala 10:00 nchin la 16:00.
Atualmënter
Mumënc... tla Dolomites
La mostra cun lëures de Gabriel Demetz tl Café Surëdl resterà da udëi nchin ai 30 de merz ntan i orars de giaurida dl Café Surëdl.
Atualmënter
Mostra »All’inizio tutto era mare«
Tl salf dles manifestaziuns da Corvara él da odëi cina ai 22 de forá la mostra »All’inizio tutto era mare« de Matteo Agreiter. Orars: ia por l’edema dales 8:00 ales 12:00 y dales 16:00 ales 18:00, la domënia y i dis de festa dales 10:00 ales 12:00 y dales 16:00 ales 18:00.

Cursc
Atualmënter
Curs de balé
La grupa Bal Populer Sëlva y S. Cristina mët a jì n pitl curs di vares de basa walzer, polka y bayrisch polka per chi che scumëncia y nteressei ai 30 de jené y 6 de fauré, for dala 20:30 tl local dla proes tla Cësa de Cultura de Sëlva. La lia nvieia nce ala proa da Carnescià ai 13 de fauré, per se fé na blòta sëira balan mascherei. L ie debant.

Iadi y Jites
01.02.
Jita cun la ciaspes ntëur la 5 Torri
N dumënia ai 1. de fauré mët la Lia da Mont Gherdëina a jì chësta jita: l sarà da jì feter 4 ëura, cun n deslivel de 400 metri. La curiera pëia via da Urtijëi dala 07:30 y fërma damprò ite: a S. Cristina dala 07:40 y dala 07:45 te Sëlva. Iscri­zions: nchin juebia ai 29.01. per whatsapp o sms al nu­mer 335 676 6456 (Sil­vio). Priesc: 18,00 € per granc, 13,00 € per jëuni sot ai 18 ani. Infos: 339 656 3015 (Mo­nica).

Temp Lede
Uni lunesc
Cërtl de letura
Tla biblioteca de San Durich a Urtijëi se ancónten uni lu­nesc dala 18:00 per n cërtl de letura cun Nicoletta. N liej deberieda l liber »Quello che possiamo sapere« de lan Mac­Evan. Duc possa unì a fé pea.
Uni juebia
Ciaculon deberieda – per ladin
La Union di Ladins de Gher­dëina mët a jì la ancuntedes de »Ciaculon deberieda« per chi che scumëncia y chi che ulëssa miuré si ladin. N se anconta uni juebia dala 18:00 (ora che i dis de festa), tla biblioteca »Anda Malia da Cudan« tla Cësa di Ladins a Urtijëi. Unide nce Vo!
30.01.
Defileda cun chentli di Carabiniers
N vënderdi ai 30 de jené dala 21:00 saràl sun l purtoi ta Frëina na bela defileda cun i chentli, metuda a jì dai Cara­biniers. Duc ie de cuer nviei.
30.01.
Cun i schi a löm de ciandëra
La pista »Gardenacia« a La Ila vëgn ilominada incö vën­dres ai 30 de jená dales 20:00 ales 22:00 cun füc y chentli. Por tó pert mësson avëi na cherta di implanc che vel plü dis y na löm da frunt.
31.01.
Mascherèda a Penìa
L Grop de la Mèscres de Dèlba e Penìa met dant la ma­scherèda dal titol »L idrau­lico del telefon« de Fabio de la Menina, sabeda ai 31 de jené te la veia scoles de Penìa da les 20:30.
02.02.
Yoga y paslunch
Pro le zënter de paslunch Alta Badia a Sciaré da San Ciascian vëgnel tigní vigni lönesc dales 10:30 n curs de yoga y pas­lunch. Por tó pert mësson se scrí ite sot a www.scuolafondo.it
03.02.
Dantercëpies – desmustrazion tl linëus dla luna
Sun l purtoi dla Dantercëpies te Sëlva mët la Scola de Schi de Sëlva a jì na defileda cun chentli. N se anconta dala 18:45 japé dla stazion.
03.02.
Pudejé de nuet cun luna colma
Sun Pana puderàn nuzé l purtoi da pudejé debant per pudejé de nuet cun luna col­ma, ai 3 de fauré dala 20:00 inant. L mprëst dai schi ie n chësta sëira daviert – l mprest costa 5,00€.
04.02.
Cun e-bike y rodes da agüs söla nëi
La Scora de schi da Calfosch mët a jí vigni mercui na escur­jiun de »Snowbiking«, cun la e-bike y rodes da agüs söla nëi. An pëia ia dales 10:30 da Calfosch y an fej na roda cina al’Armentarola a San Ciascian. Prenotaziuns pro la Scora de schi da Calfosch, anter le de denant.
04.02.
Nos Ladins cun Luigi
Tres l’iniziativa »Nos Ladins« pón descurí la vita y val’mistier dla jënt dla valada. En mercui ai 4 de forá pón s’incunté a Badia cun Luigi, che cunta sciöche ara é da manajé na sozieté de implanc portamunt y co che al vëgn fat nëi y arji­gné ca les pistes. Infos y pre­notaziuns pro i ofizi turistics dl’Alta Badia.
04.02.
Cui schi

• 
•  

View the embedded image gallery online at:
https://www.lausc.it/manifestazions-y-evenc/31158-manifestazions-atuales#sigProId7c21943cd9

da sëra
Tl’Alta Badia pón jí vigni mercui cui schi ince da sëra, dales 20:00 ales 22:00, sön la pista »Doninz« a La Ila. Por podëi anuzé l’implant adoron na cherta dai schi che vel plü dis.
05.02.
Bun de Gran Risa
Dai 5 de forá ai 5 de merz él vigni jöbia l’iniziativa »Bun de Gran Risa«, olache l’im­plant de Piz La Ila vëgn bele daurí dales 6:55. I partezipanc pó, adöm ai maestri de schi, porvé fora bele adora n percurs sciöche na gara de Copa dl monn. Prenotaziuns ti ofizi turistics dl’Alta Badia.
05.02.
Defileda de chentli plu longia
La Scola de Schi y Snowboard de Urtijëi nvieia duc a fé pea pra la defileda cun chentli a LED plu longia dl mond. N se anconta ai 5 de fauré dala 18:15 japé dla Secëda per furné duc deberieda nchin suinsom dla Secëda. Iscrizions ti ufizies dla Scola de Schi y snowboard de Urtijëi. Priesc: 35,00 €.
05.02.
Cun la gücia da sëra
En jöbia ai 5 de forá pón se fá na roda sön les güces trates dai ciavai, do le Tru di Artisć da La Ila a San Ciascian. An s’incunta dales 20:45 a Altin. Iscriziuns ti ofizi turistics dl’Alta Badia.

Referac
30.01.
Renforzé nüsc mituns por la vita
Le Consëi de formaziun Badia mët a jí incö vëndres ai 30 de jená dales 19:30 na serada cun Doris Kaserer, tla Ciasa Runcher a Badia, olache ara nen vá dles domandes: ci ren­forza pa te n möt la conscidra­ziun de se instës? Ci desfa­rënzia él pa danter stima de se instës y crëta te se instës? Y co podunse pa sostigní nüsc mituns por afronté les desfides dla vita y tí jí pormez cun resiliënza? Ci influs á pa chiló les convinziuns che i un sura nüsc mituns?

Sozial
Atualmënter
»Club Boé«
Le grup de autoaiüt »Club Boé« por problems de alcol o d’atres dependënzes s’incunta vigni mertesc dales 20:00, tla Ciasa di Stüdafüch a La Ila altaite. Les porsones de referi­mënt é Hubert (tel. 339 1698 343) y Methilde (tel. 335 6977604).
Atualmënter
Ciamena dal guant a La Ila
La Ciamena dal guant por mituns »Neores« a La Ila é daverta vigni vëndres dales 14:00 ales 15:30, te local sura i stödafüch a La Ila Alta.
Atualmënter
Lia de sustëni tl duel y crisa
Lia de sustëni tl duel y crisa ti juda ala persona nstëssa y la families te situazions de duel. L vën damandà na cuota anuela de 50 euro. Per nfur­ma­zions de sustëni pòssen tò su cuntat cun: Trauer- & Krisennetzwerk Südtirol VFG – info@trauernetzwerk-suedtirol.com, 379 1170488.
Uni merdi
Marënda per i:la sëura 60
La Lia Sarëinn nvieia duta la jënt sëura i 60 ani a se nuzé de chësc servisc che vën pità uni merdi dala 12:00 (Urtijëi Cësa de Cultura; S. Cristina Cësa de Chemun; Sëlva Stua di Seniores). L ie da se lascé nuté su nchin al di dant da mesdì, cherdan su: per Urtijëi l 3207234396 (Vinzenz), per S. Cristina l 333 1499949, per Sëlva l 335 6558633.
Uni vënderdi
Mëisa dala spëisa
La Lia San Vinzënt de Urtijëi mët a jì uni vënderdi dala 10:00 danmesdì te calonia de Urtijëi basite na mëisa dala spëisa, ulache l vën partì ora roba da maië a chi che à de bujën (che à la residënza a Urtijëi).

Teater
31.01.
A teater a Tieser
En sabeda ai 31 de jené da les 20:45 te teater de Tieser, per la rassegna de teater de Fiem, l é la compagnia Evoè! Teatro con l toch »Flyover Coun­try«.
01.02.
Brundibár te Navalge per no desmentièr
En ocajion de la Dì de la me­moria, la sociazion ‘Le Muse e le Dolomiti’ porta dant te teater Navalge a Moena l’opera Brundibár, che travers musega e narazion recorda la tragedia de la Shoah. La raprejentazion vegn fata en mèrtesc ai 27 resservèda ai studenc e en domenia prum de firé da les 17:30 averta a duc.

Sport
Atualmënter
ARMA 1814 – Ski Challenge
Sun Plaza Nives te Sëlva saràl nchin ai 1. de fauré la ARMA 1814 – Ski Challenge, uni di dala 10:00 nchin la 22:00. L ie na manifestazion cun i Cara­biniers, che lieia sport da d’inviern, segurëza, tradi­zion y desmustrazions.
30.01.
HC Gherdëina II vs. HCP Junior Selection (IHL Divijion 1)
L HC Gherdëina II nvieia ala partida contra l HCP Junior Selection, ai 30 de jené dala 20:30 tl stadio Pranives te Sëlva.
30/31.01.
Copa del Mond de ski cross
Ai 30 e 31 de jené sun Costa­bela sun Sèn Pelegrin l é la 6^ e 7^ tapa de la Copa del Mond de ski cross. La califica­zions é mercol ai 28 e jebia ai 29 de jené da les 11:30 a les 13:00, la finèles é da les 12:30 a les 14:00. Vender ai 30 da les 18:30 te piaz Sote­grava de Moena prejentazion di atlec.
31.01.
HC Gherdëina vs. HC Meran/o Pircher
Tl stadio Pranives de Sëlva saràl ai 31 de jené dala 20:30, la partida dl campiunat AHL (Alps Hockey League) danter l HC Gherdëina y l HC Me­ran/o Pircher.

Avisc
Atualmënter
L Cor y l Urchestra de dlieja chier ciantarins y sunadëures
Chi che à nteres a unì a purvé possa unì de merdi tl local dla proes te calonia de Urtijëi aut ite o se lascé audì da n cumëmber.
Atualmënter
Picolin: portina por assistënza y cura
La Portina por l’assistënza y cura é daverta trëi iadi al’ede­ma: le lönesc dales 14:00 ales 16:00, le mercui y la jöbia dales 10:00 ales 12:00. Tel. 0474 586123 tratan chisc orars. La Portina é tl Raiun soziosanitar a Picolin, tl’alzada a tera sön la man ciampa. Al vëgn chiló tut sö dötes les chestiuns por ci che reverda le guern dles porsones.
Atualmënter
»Ëres dëida Ëres«
L’ofize a Bornech é da ciafé tla str. Paul von Sternbach nr. 6. Al é davert dal lönesc al vëndres dales 8:30 ales 11:30, le mercui ince dales 15:00 ales 17:00. info@frauen helfenfrauenbruneck.it
Atualmënter
Iniziativa di ëi de Puster
L’ofize dla MIP–Männer­ini­tiative Pustertal dëida i ëi y peri pro caji de separaziun y pîta aiüt te situaziuns de difi­colté. L’ofize é tl Paternsteig nr. 1 a Bornech y é davert lönesc y mercui dales 14:00 ales 19:00, le vëndres dales 8:00 ales 12:00. Contac: 0474 555848, 340 1896431 o info@mip-pustertal.it
02.02
Lia di Filatelisć – ancuntedes
La Lia di Filatelisć, numis­matics y vedla chertes de Gher­dëina se anconta uni prim lunesc dl mëns dala 20:00 tl Bar 2000 a S. Cri­stina, per s’la ciaculé y fé vel‘ barat. La proscima ancunteda sarà ai 2 de fauré.
06.02.
Stories de 15 menuc
Tla biblioteca de S. Durich a Urtijëi vëniel liet dant na storia per per mutons, l prim vënderdi dl mëns dala 15:00. Ai 6 de fauré saràl na prejen­tazion dl liber »Die Schlern­hexe Xantia« cun l’autëura Erika Nogler Kostner y l’ilustradëura Evi Gasser. Evi dessënierà nce zeche cun i mutons.

Chino
Atualmenter
Al chino de Cianacei
En domenia al prum de firé da les 21:00 vegn dat »Norim­berga«.
Atualmenter
Al chino de Pardac
Insnet, vender 30 de jené da les 21:00 l é »Una di famiglia«, sabeda ai 31 dda les da les 21:00 l é »Marty Supreme«, domenia al prum de firé da les 17:00 l é »Il tempo delle ossa« e da les 21:00 »La grazia«, mercol ai 4 da les 21:00 l é »Prendiamoci una pausa«, vender ai 6 da les 21:00 l é »Il tempo delle ossa«.
Atualmenter
Al chino de Tieser
Insnet, vender 30 de jené da les 21:00 l é »Marty Supreme«, domenia al prum de firé da les 18:00 l é »Buen camino« e da les 20:30 »Marty Supre­me«, jebia ai 5 da les 21:00 l é »5 secondi«, vender ai 6 da les 21:00 e sabeda ai 7 da les 17:30 l é »Anaconda«.

Mujiga
08.02.
Al Plan: conzert cun »Die Winterreise« de Franz Schuber
En domënia ai 8 de forá dales 18:00 él tl salf dla scora de musiga d’Al Plan n conzert cun la pianista Margot Feder­spieler y le tenor Renzo Huber, che porta dant la pröma pert de »Die Winterreise« – n ziclus de cianties de Franz Schubert. Al gnará ince fat na picia introduziun ai toc.

Televijion
Atualmënter
Tg Ladin
Orares dl TG ladin menà da Egon Vinatzer: uni merdi dala 19:30 sun Alto Adige Tv, cun repliches uni sada dala 18:15 sun Trentino TV y uni dumënia dala 18:30 sun Alto Adige Tv; repliches nce online.
03.02.
Natura e ambient – roda fora por les vijinanzes de Fodom
Dales 20:50. Test y regia Ka­rin Pizzinini, produziun Pinter Film , a cura de Alessandro Da­punt.
04.02.
Bedaies olimpiches ladines
Dales 20:50 ca. N program de Leo Senoner.
05.02.
Scenar – ert y cultura tla Ladinia
Dales 20:50 ca. Test y regia Silvia Murer, produziun Kar­bon­video, a cura de Leo Seno­ner.

Radio
30.01.
L bel y l burt dla Olimpiades te Anpezo
La Olimpiades ie n mumënt de sport, de ntegrazion soziela y culturela, de cumpetizion y de festa per la atletes y i atlec y per la jënt che cëla pro. Cun la maestra Elsa Zardini Soriza, presidënta dla Union di Ladins de Anpezo ons ru­jenà di aspec sambën positifs dla Olim­piades, ma nce de chël che ie critich, manco bel y manco drët y manco iust. Trasmiscion de David Lard­schneider.
01.02.
L skeleton ie ruvà prim!
Perdrët univa l cuncors de scultura tla nëif te Sëlva dani­ëura metù a jì de dezëmber, ma davia che n ne n’ova nia pudù fé la nëif ntlëuta an spënt l apuntamënt a jené. Y plu avisa dai 22 nchin ai 25 à la sies grupes ziplà do si mudel che fova unì cris ora da na juria metuda su aposta. Tla trasmiscion iel da audì nter­vistes ai urganisadëures, a vel’ scultëur y sambën nce chiche à venciù chësta 29ejima edizion che ova sciche tema »Juesc da d’inviern«. Tras­miscion de Alex Runggaldier.