La Usc di Ladins

Cater é les scoltöres de nëi che i studënc dla scora d’ert Cademia da Urtijëi á realisé daimpró ales pistes tla localité de Badia tl'ultima edema. La tematica d'ediziun dla mostra de scoltöres d'ert da iniann é »I Ladins, popul dles Dolomites«.La manifestaziun, che se desfira dal 2016 incá tles localités dl Comun de Badia, é gnüda metüda a jí iniann tres na colaboraziun danter la Cooperativa Turistica Alta Badia y la scora d’ert da Urtijëi.

Dai 12 de jená é i studënc jüs en aziun sön le post por la realisaziun dles operes, che é sëgn da amiré al complet sön sic desfarënc.
Cina la fin de jená, sarál poscibl da lité l’opera che plej le plü tres la plata Facebook y Instagram dl’Alta Badia.



Deplü sön les scoltöres ciafëise da lí tla ediziun nöia de La Usc di Ladins da incö, vëndres ai 23 de jená!