La Usc di Ladins

Rua endodanef na bela venta per l Fascia Balon, che en domenia ai 13 de november l à batù l’Alta Valsugana.
Part miec i ghesć, co la pruma trata che Gianni Riz l é bon de salvar su la linea del usc, ma col jir di menuc Deflorian e compagnes ciapa semper più ciamp e i proa a ge dar valch cruzie a la defendura valsuganota.
Entorn la metà del prum temp rua l gol del vantac per i joegn fascegn, con Patrizio Deville che l pel desfrutar na gran azion de Massimo Lorenz de Meca: ruà tedant l portier, enveze che tirar, Meca l ge passa l balon al clas ’97 de Moena che l met l balon junsom al sach.

De più su La Usc stampada de vender ai 18 de november.  (Pierpaolo Rasom)