La Usc di Ladins

L'ena passeda àn audì che l tacajuech Adam Brady, che ova nchinamò fat l plu goi per l Gherdëina, se n va. L fulestier canadesc de 30 ani jugherà da moinla tla segonda liga tudëscia DEL 2 per i "Lausitzer Füchse" a Weißwasser tl Sachsen.
Nscila à i ladins riesc messù crì zachei per l sustituì. Cun Vlastimil Dostalek dla Republica Ceca spèren de avëi abinà l drë' jugadëur per ti dé sbunf al Gherdëina - y dantaldut truep goi - te chësta sajon che nchinamò ie jita mpue melamënter. L tacajuech Dostalek de 31 ani ova tla sajon passeda fat bën 27 goi tla Alps Hockey League per l KHL Sisak. Plu goi ova ntlëuta mé fat Adam Capannelli.

N sada à l Gherdëina venciù l juech te Sëlva contra i Unterland Cavaliers ai penalties per 7:6. Nsnuet jugheran n cësa contra i Broncos de Sterzing. 

EK