L an 2026 l é scomenzà con gran ejit per l arcier Christian Seneca, che é do a fèr crescer chesta disciplina te Fascia. Ai 24 e 25 de jené a Lamezia Terme l se à vadagnà la medaa de arjent nazionèla de clas e assoluta, e amò na medaa de arjent e una de bron a squadres con sie compagn de squadra Dominik Powroznik.
Christian Seneca, ensema con sia fia Ginevra, i fèsc pèrt del Kappa Kosmos de Rorei, olache i se enjigna sot la vida del tecnich Giovanni Morana, ma i stèsc te Fascia e Seneca ge stèsc do a n grop de joenec fascegn: Matthias Dantone, Florian Felicetti, Michele Minelli, Agnese Riz, Luca Riz e Nadia Riz, che per poder fèr pèrt de la Federazion e tor pèrt a la garejèdes i é scric ite a la sozietà ‘Arcieri Altopiano Piné’, olache i é vidé dai tecnics Igor e Aldo Maccarinelli.
Podede lejer dut su La Usc dai 6 de firé da ciapèr te la boteighes de sfoes de la valèdes ladines o tras abonament (info:www.lausc.it/abo o abo e-paper)
(Lucia Gross)
Suzes per gregn e picoi arcieres
I campionac provinzièi a Riva à portà medaes de or per Christian Seneca, che se aea giusta laureà ence vizecampion talian, per Ginevra Seneca, Luca Riz e Matthias Dantone con etres podies fascegn.
Galaria retrac
-
Christian Seneca se à vadagnà la medaa de or a Riva e l titol de vizecampion talian a Lamezia Terme.
View the embedded image gallery online at:
https://www.lausc.it/sport/31203-suzes-per-gregn-e-picoi-arcieres#sigProId4989019a73
https://www.lausc.it/sport/31203-suzes-per-gregn-e-picoi-arcieres#sigProId4989019a73
