La Usc di Ladins

Nce l’ert de Gherdëina fova prutagonista dla Women’s Run a Persenon, n vënderdi sëira ai 28 de agost. Truepa ëiles de Gherdëina à fat pea pra chësta garejeda y ie sautedes tres zità. L ie da sotrissé che l se trata de na garejeda de benefizienza tres l zënter de Persenon cun l fin de sustenì pruiec a bën dl’ëiles.
La lia di artisć de Südtirol (SKB) ne n’ova nia da giut metù a jì n cuncors per realisé n’opra d’ert coche trofeo dla Women’s run, n pest a chël che n ti à dat inuem Vale Award. L’opra d’ert che n à cris ora y che à venciù l cuncors ie l n maz de ciofs-mans, realisei da Indra Moroder de Urtijëi, che viv a Londra. Cun chësc pest àn chëst ann premià Marina Bruccoleri de Persenon, che lëura bele da truep ani incà per ti judé al’ëiles tres la lia “La strada - Der Weg”.

Per i Gherdëina Runners, Christian Ongaro

L articul ntier tla edizion nueva de La Usc di Ladins de n vënderdi ai 4 de setëmber.