La Usc di Ladins

Da bonora de lunes, ai 25 de marzo, i ome de ra polizia de ra Provinzia de Belun i ‘l à ciapà e i ‘l à menà ves un luó pi seguro, diade da un dotor de ra besties. Da mesc dute parlaa de el, in Anpezo e fora: el vegnia so par ra ares, intrà ra ciaśes, fin inze ‘l piazal de ra stazion, pichesee i dis de mercà. El vegnia a vede de algo de bon da magnà, un pomo, cuatro foies de salata, ‘na carota. De spes el vegnia pi inaante, fin a ruà par piazaintrà ra śente, pede ra toures de ra ostaries. El loudaduó de comun par ra protezion zivil Stefano Ghezze Ghezo ‘l à scrito a ra aministrazion de ra provinzia e al prefetto, par domandà de fei algo, che ‘l ea drio a i cresce danoo i corne, a sto zervo, e podea suzede cisacé. Coscita ades i é dute pi segure: ra śente parpiaza, ma pichesee el zervo.

De plu tla edizion stampeda de La Usc di Ladins o sun l e-paper a paiament www.lausc.it/e-paper