La Usc di Ladins

Sènt’Ugèna, patrona de Fascia, prea per nos. La é stata preèda con gran devozion l’aisciuda passèda canche l’é crepà fora la pandemia e la onorèr tel dì de la sègra l’é n apuntament spetà da duc chenc. En mèrtesc ai 16 de firé sun Ciaslir de Vich vegn dit trei messes: una da les 8.30 da doman, una da les 10.30 con la orazion de invocazion de la protezion de Sènt’Ugèna sun duta Fascia a la prejenza de l’autoritèdes e una da les 14.30. Ajache te gejia l’é demò 45 posć, la messa da mesa les unesc vegnarà manèda fora ence en direta streaming su la piata Facebook Parrocchia Val di Fassa e vegnarà endrezà n impiant audio ence defora per poder la scutèr sù a l’averta. La sègra de Sènt’Ugèna l’é na festa identitèra per chest ence l Comun general de Fascia envìa la sociazions de folclor de la val a tor pèrt con devozion a chest moment tant emportant per noscia comunanza. Semper en onor de Sènt’Ugèna vegnarà dit ence la messa da les 8 da doman te gejia de Soraga e da les 18.00 te gejia de Pera.