La Usc di Ladins

Nesciugn cherdea che del 2022 la vera posse endò ruèr fin sun usc de l’Europa, enveze la burta neva rua ai 24 de firé: la Russia de Putin é ruèda ite con sia armèda te l’Ucraina, tera ambida per sia posizion e sia coltures e de spes sot la mira de potentac desferenc. N Paisc con na storia n muie più veia che la Russia, che con chisc vejins l à da anorum n leam strent e de spes senester.

N muie l é la jent che da l’Ucraina se à enciasà te Fascia, soraldut eles, vegnudes a secodir noscia jent de età o ruèdes per lurier e dapò enciasèdes chiò. Te Fascia pea via sobito la azions de solidarietà e la scomenzadives per didèr e ge dèr azet a la jent che sciampa dal assaut rus. Jà da la pruma setemènes n bon pec de ucrains é rué te Fascia e i à troà alberch da peconc del post o familiares jà enciasé te val per lurier.

De più su La Usc stampèda di 5 de jené.