La Usc di Ladins

L istà culturèl te Fascia met dant ence chest an n calandèr rich e de livel. No demò apuntamenc che fèsc cognoscer i gropes de folclor e musicai de noscia val o i esperc che te desvalives setores prejenta sia cognoscenzes e sia èrt, ma ence evenc de entrategniment che porta te Fascia inomes cognosciui a livel nazionèl. I Comuns de Cianacei e Moena, olache i Comitac manifestazions é sot la regia de Michela Marangoni, à prejentà n calandèr con sie spetacoi. Nos se aon fat contèr vèlch de più.

L istà fascian met dant evenc de entrategniment de aut livel…
Michela Marangoni Ei, chest an portaron te val sie evenc con personajes de nonzech che farà sia ejibizion a Moena e a Cianacei olache aon doi strutures granes assà per chesta sort de spetacoi che à de besegn de vegnir paé ju, ajache l é investimenc gregn da man di Comuns e speron che aer na responeta.

Se trata de spetacoi a paament donca; la jent, tant chela del post che i foresć, éla usèda a paèr?
Na, ma l é percorsc culturèi che à de besegn de pontèr via percheche per me l é giust che ence la cultura vegne paèda, gé peisse che se cogn investir sun chest. Te la zitèdes per ejempie no l é nesciun spetacol no a paament, nience chi per bec. E dapò gé peisse che ence per chi che é sun plaladina, saer che l é n publich che à cernù de jir a i veder, l é desvalif. Pel esser ence demò na zifra simbolica, desche per chisc spetacoi che la sarà dai 15 ai 30 euro, l é n cost che duc, se i ge tegn, i paa.

Se pel lejer dut su La Usc nr 25 dai 4 de messèl: sul sfoi stampà che se pel troèr ence te la boteighes de sfoes de la valèdes ladines o sul pdf per i aboné al e-paper.


 (Monica Cigolla)